मुंबईतून बोलेरो गाडी चोरणाऱ्यास अटक

अकबर मोहल्यातील साथीदार फरार

कोल्हापूर : मुंबई येथून बोलेरो जीपची चोरी करून कोल्हापुरात वावरणाऱ्या चोरट्यास लक्ष्मीपुरी पोलिसांनी गुरुवारी मध्यरात्री अटक केली. संशयित आरोपी परवेझ साजदखान पटेल (वय ४९, रा. सी वॉर्ड, घिसाड गल्ली, सोमवार पेठ) असे त्याचे नाव आहे. त्याचा
अकबर मोहल्यामध्ये राहणारा साथीदार फरार असून, त्याचा
पोलीस शोध घेत असल्याचे पोलीस निरीक्षक धन्यकुमार गोडसे यांनी सांगितले.
लक्ष्मीपुरी ठाण्याचे पोलीस गुरुवारी रात्री शहरात पेट्रोलिंग करीत होते. यावेळी ते पंचगंगा शिवाजी पुलाकडून स्मशानभूमी मार्गे जुना बुधवारपेठ सिद्धार्थनगरकडे जात असताना चिंचेच्या झाडाखाली अंधारात काळ््या रंगाची बोलेरो जीप उभी असल्याची दिसली. या जीपचा संशय आल्याने त्यांनी जवळ जाऊन नंबर पाहिला असता तो (एमएच ०२ केए ७१५८) दिसून आला. आतमध्ये चालकाच्या शिटवर बसलेल्या व्यक्तीकडे विचारपूस केली असता त्याने नाव सांगून गाडीअड्डा येथे स्क्रॅपचा व्यवसाय करीत
असल्याचे सांगितले. त्याच्या ताब्यात असलेली जीप मुुंबई पासिंगची असल्याने तिच्या कागदपत्रांविषयी चौकशी केली असता ते दाखविण्यास टाळाटाळ केली. त्यानंतर पोलीस ठाण्यात आणून खाकी दाखविताच त्याने बोलेरो जीप ही मित्र
सिमन गुलाब झारी (रा. अकबर मोहल्ला, सोमवार पेठ) याने चोरून आणली आहे. त्याच्याकडून दीड लाख रुपयांना विकत घेतल्याचे सांगितले. तसेच गाडीचा मूळ
नंबर (एमएच ०२ बीजी ०७१८) असा असताना तो बदलून गेल्या सहा महिन्यांपासून आपण जीप कोल्हापुरात फिरवित असल्याची कबुली दिली.
त्यानुसार त्याच्यावर गुन्हा दाखल करून अटक केली. त्याचा
साथीदार अद्याप फरार असून,
त्यांची टोळी असण्याची शक्यता आहे. त्यानुसार कसून तपास सुरूअसल्याचे पोलीस निरीक्षक धन्यकुमार गोडसे यांनी सांगितले. (प्रतिनिधी)