संक्षिप्त

गडहिंग्लज : शहरातील शिवराज महाविद्यालयात माजी मुख्यमंत्री स्व. वसंतराव नाईक यांना अभिवादन करण्यात आले. प्राचार्य डॉ. एस. एम. कदम स्वागत केले. संस्था सचिव अनिल कुराडे यांच्या हस्ते प्रतिमापूजन झाले. प्रा. डी. यू. जाधव, डॉ. एस. डी. पाटील, डॉ. सुधीर मुंज, तानाजी चौगुले, संतोष शहापूरकर, संदीप कुराडे, विक्रम शिंदे आदी उपस्थित होते.

गडहिंग्लजमध्ये मंगळवारी कंदील भेट आंदोलन

गडहिंग्लज : वाढीव वीज बिल विरोधाच्या निषेधार्थ बहुजन मुक्ती पार्टी युवा आघाडी व महिला आघाडीतर्फे मंगळवार (६) सकाळी ११ वाजता कंदील भेट आंदोलन करण्यात येणार आहे. लॉकडाऊन काळात वीज बिल कपात करण्याऐवजी पुन्हा बिले वाढूनच येत आहेत. त्यामुळे जिल्हाधिकारी व तहसील कार्यालयासमोर हे आंदोलन करण्यात येणार आहे.

अनुष्का गोवेकर यांना राज्यस्तरीय काव्यलेखन पुरस्कार

पेरणोली : पेरणोली (ता. आजरा) येथील प्राथमिक शाळेच्या शिक्षिका अनुष्का अनिल गोवेकर यांना काव्यलेखन राज्यस्तरीय काव्यलेखन पुरस्कार देण्यात आला. मुंबई येथील अष्टपैलू संस्कृती कला अकादमीने पुरस्कार दिला. सलग १२ महिने अक्षरमंच राज्यस्तरीय काव्यलेखन स्पर्धेत भाग घेऊन उत्कृष्टरित्या कविता लेखन केल्याबद्दल त्यांना पुरस्कार देण्यात आला. संस्थाध्यक्ष शिवाजी किसन खैरे यांनी प्रदान केला.

फोटो : अनुष्का गोवेकर : ०१०७२०२१-गड-०४