संक्षिप्त... क्राईम०२

कोल्हापूर : ट्रकच्या धडकेत काजल प्रशांत कांबळे (वय २५, रा. मुडशिंगी, ता. हातकणंगले) ही महिला जखमी झाली. त्या भाजीपाला आणण्यासाठी गेल्या होत्या. अतिग्रे येथे सोमवारी सायंकाळी ही घटना घडली. त्यांच्यावर सीपीआरमध्ये उपचार सुरू आहेत.

महिला भाजून जखमी

कोल्हापूर : स्वयंपाक करताना मंगळवारी साधना विजय मगदूम (वय ३०, रा. चिंचवाड, करवीर) ही महिला भाजून जखमी झाली. त्यांच्यावर सीपीआरमध्ये उपचार सुरू आहेत. याची नोंद सीपीआर चौकीत झाली.

मारहाणीत तरुण जखमी

कोल्हापूर : टेंबलाईवाडीतील शाहू कॉलनीत सोमवारी रात्री झालेल्या मारहाणीत युवक जखमी झाला. अजित शिवाप्पा पुजारी (वय २६, रा. टेंबलाईवाडी) असे त्यांचे नाव आहे. त्यांना सीपीआरमध्ये दाखल केले. याची नोंद सीपीआर चौकीत झाली.

दुचाकी अपघातात बागनेचा तरुण जखमी

कोल्हापूर : बस्तवडे फाटा येथे कुत्रे आडवे आल्याने दुचाकी घसरून झालेल्या अपघातात तरुण जखमी झाला. संतोष विठ्ठल मडयगिरे (वय २१, रा. बानगे, ता. कागल) असे जखमींचे नाव आहे. ही घटना सोमवारी सायंकाळी घडली. त्यांना सीपीआरमध्ये दाखल केले. याची नोंद सीपीआर चौकीत झाली.