संक्षिप्त बातम्या

यड्राव : येथील दि. न्यू. हायस्कूलचा वर्धापन दि. साध्या पद्धतीने साजरा करण्यात आला. अध्यक्षस्थानी पुंडलिकराव जाधव होते. वर्धापन दिनाचे औचित्य साधून विद्यालयाच्या प्रांगणात वृक्षारोपण करण्यात आले. या वेळी आप्पासाहेब पाटील, माजी मुख्याध्यापक डी. पी. कदम, सहायक शिक्षक भगत यांनी ग्रंथालयास पुस्तके भेट दिली. कार्यक्रमास प्रकाश टाकळे, मुख्याध्यापक उत्तम मोहिते यांच्यासह शिक्षक, शिक्षकेतर कर्मचारी उपस्थित होते.

यड्रावमध्ये घंटागाडीमुळे समाधान

यड्राव : यड्राव (ता. शिरोळ) येथे नुकतेच घंटागाडीचे लोकार्पण झाले आहे. त्यामुळे गावातील कचरा दररोज घंटागाडीतून उचलला जात आहे. यामुळे ठिकठिकाणी साचणारा कचरा कमी झाला आहे. त्यामुळे नागरिकांतून समाधान व्यक्त होत आहे.

यड्रावमध्ये स्मार्ट अंगणवाडीचे उद्घाटन

यड्राव : यड्राव (ता. शिरोळ) येथील अंगणवाडी क्र. २६३ या स्मार्ट अंगणवाडीचे उद्घाटन जि. प. सदस्य राजवर्धन नाईक-निंबाळकर, सरपंच कृणालसिंह नाईक-निंबाळकर यांच्या हस्ते झाले. या वेळी बेबी केअर किट, ताराराणी प्राधान्य कार्ड लाभार्थ्यांना वाटप करण्यात आले. या कार्यक्रमास शिरोळ प्रकल्प दोनच्या सीडीपीओ संगीता गुजर व जांभळी बिटच्या पर्यवेक्षिका अर्चना जाधव यांचे मार्गदर्शन लाभले.

फोटो - ०७०७२०२१-जेएवाय-०२

फोटो ओळ - यड्राव (ता. शिरोळ) येथे स्मार्ट अंगणवाडी उद्घाटनप्रसंगी लाभार्थ्यांना जि. प. सदस्य राजवर्धन नाईक-निंबाळकर यांच्या हस्ते ताराराणी प्राधान्य कार्ड देण्यात आले. या वेळी कृणालसिंह नाईक-निंबाळकर, हरिष नाईक, रूपाली हळाळे उपस्थित होत्या.