संक्षिप्त बातम्या

जयसिंगपूर : येथील दिगंजय शशिकांत रावळ यांनी राष्ट्रीय शेती व ग्रामीण विकास बँक (नाबार्ड)च्या परीक्षेत यश मिळविले आहे. अर्थशास्त्र या शाखेतून देशात रावळ यांची एकमेव निवड झाली आहे. रावळ यांनी यापूर्वी इंडियन इंडस्ट्रीज मॅनेजमेंट बंगळुरू येथे संशोधक सहायक, राज्य पाचवा वेतन आयोगामध्ये कक्ष अधिकारी व बँक ऑफ महाराष्ट्रामध्ये उपव्यस्थापक म्हणून काम पाहिले आहे.

फोटो - २००७२०२१-जेएवाय-०२-दिगंजय रावळ

---------------------

गणेशवाडीमध्ये पुलाची प्रतीक्षा

बुबनाळ : गणेशवाडी (ता. शिरोळ) येथील गावभाग व माळभागला जोडणाऱ्या पुलाच्या कामाची मुदत संपूनही काम अर्धवट अवस्थेत आहे. पुलाच्या दोन्ही बाजूंना रस्त्याचे काम रखडले असल्यामुळे पावसाळ्यात नागरिकांची गैरसोय होत आहे. तरी याबाबत सार्वजनिक बांधकाम विभागाने लक्ष देऊन तातडीने पुलाचे काम पूर्ण करावे, अशी मागणी ग्रामस्थ करीत आहेत.

------------------

शिरोळ-नृसिंहवाडी रस्त्याची दुरवस्था

शिरोळ : येथील नृसिंहवाडीकडे जाणाऱ्या मार्गाची मोठी दुरवस्था झाली आहे. सध्या हा मार्ग रुंदीकरण करण्याचे काम सुरू आहे. मात्र, रस्त्यातील खड्ड्यांमुळे अपघाताची शक्यता आहे. त्यामुळे या रस्त्याचे काम लवकरात लवकर करण्यात यावे, अशी मागणी वाहनधारकांतून होत आहे.