संक्षिप्त बातम्या

इचलकरंजी : वैद्यकीय क्षेत्रात चांगले काम करणाऱ्या सेवाभारती संस्थेला यंग वॉरियर्स या संघटनेने १५ हजार रुपयांची देणगी दिली. संघटनेच्या अध्यक्षा अभयी प्रकाश पुजारी यांनी डॉ. राजेश पवार यांना ही रक्कम प्रदान केली. यावेळी अनुष्का कोईक, सानिका मांडवकर, सृष्टी देसाई आदी उपस्थित होते.

राष्ट्रवादी पदाधिकाऱ्यांच्या निवडी

इचलकरंजी : राष्ट्रवादी कॉँग्रेस सेवा दलाच्या कोल्हापूर जिल्ह्यातील पदाधिकाऱ्यांच्या निवडी करण्यात आल्या. त्यामध्ये राष्ट्रवादी कॉँग्रेस सेवादल इचलकरंजी विधानसभा अध्यक्षपदी अमोल दगडू भाटले यांची निवड झाली. प्रकाश नेमिष्टे, संजय नवाळे, मारुती इंगळे व गोविंदराव टिळंगे यांची सचिवपदी नियुक्ती करण्यात आली. जिल्हाध्यक्ष ए.वाय. पाटील यांनी निवडीचे पत्र दिले.

पंतप्रधानांना पत्र पाठविण्याची मोहीम

इचलकरंजी : येथील राष्ट्रवादी कॉँग्रेसने ‘एक पत्र मराठा युवकांच्या उज्ज्वल भविष्यासाठी’ ही मोहीम राबवली. मराठा समाजाला आरक्षण मिळावे म्हणून पंतप्रधान नरेंद्र मोदी यांना पत्र पाठविण्याच्या मोहिमेस सुरुवात झाली. टपाल पेटीत ५०० पत्र टाकण्यात आले. यावेळी प्रसाद अणूरकर, अभिजित रवंदे, नागेश शेजाळे आदी उपस्थित होते.