‘गोकुळ’साठी धोंडिराम पाटील यांना उमेदवारी द्या

लोकमत न्यूज नेटवर्क खोची : आगामी ‘गोकुळ’च्या निवडणुकीत हातकणंगले तालुक्यातून काँग्रेस पक्षातर्फे भादोले गावचे काँग्रेसचे निष्ठावंत कार्यकर्ते धोंडिराम पाटील यांना उमेदवारी द्यावी, अशी मागणी आमदार राजू आवळे यांच्याकडे कार्यकर्त्यांनी केली.

महात्मा फुले सूतगिरणी कार्यस्थळावर भादोले येथील विविध संस्थांचे पदाधिकारी, ग्रामस्थ यांच्या वतीने आमदार आवळे यांच्याकडे निवेदनाद्वारे ही मागणी करून चर्चा केली.

हातकणंगले तालुक्याला गेल्या अनेक वर्षांपासून ‘गोकुळ’मध्ये संधी मिळालेली नाही. महाविकास आघाडीच्या जिल्ह्यातील नेत्यांची भेट घेऊन हातकणंगले तालुक्यातून धोंडिराम पाटील यांना उमेदवारी मिळावी यासाठी प्रयत्न केले जातील, अशी माहिती यावेळी आमदार आवळे यांनी दिली.

यावेळी विजय पाटील, दिलीप पाटील, दीपक पाटील, संभाजी पाटील, जीवन पाटील, दादासो पाटील, डॉ. आनंदराव सुतार, संपतराव पाटील, सचिन पाटील, प्रदीप पाटील, कपिल पाटील उपस्थित होते.

फोटो ओळी : गोकुळसाठी हातकणंगले तालुक्यातून काँग्रेसचे नेते धोंडिराम पाटील यांना उमेदवारी मिळावी या मागणीचे निवेदन आमदार राजू आवळे यांना ग्रामस्थांनी दिले. यावेळी विजय पाटील, दिलीप पाटील, दीपक पाटील, जीवन पाटील, कपिल पाटील, आदी उपस्थित होते.