मोटारीची वृद्धास धडक

लोकमत न्यूज नेटवर्क

कोल्हापूर : ताराराणी चाैक परिसरात भरधाव मोटारीने धडक दिल्याने मोहंमद गौस शमशुद्दीन मोमीन (वय ७२, रा. महाडिक माळ) हे जखमी झाले. दुचाकीवरून जाताना त्यांना मोटारीने धडक दिली. त्यांना जखमी अवस्‍थेत उपचारासाठी सीपीआरमध्‍ये दाखल केले. याची नोंद सीपीआर पोलिस चौकीत करण्‍यात आली.

दुचाकीस्वार जखमी

कोल्‍हापूर : म्‍हसवे- गारगोटी रस्‍त्‍यावर दुचाकी स्लिप होऊन पडल्याने झालेल्या अपघातात आनंदराव ज्‍योती चौगले (वय ५२, रा. पाचवडे, भुदरगड) हे जखमी झाले. सायंकाळी हा अपघात घडला. जखमी स्‍थितीत त्‍यांना उपचारासाठी सीपीआर रुग्णालयात दाखल केले. याची नोंद सीपीआर पोलीस चौकीत झाली.

भाजलेल्या वृद्धेचा मृत्यू

कोल्हापूर : स्‍वयंपाक करताना पेटत्या गॅस शेगडीवर साडीचा पदर पडून भाजून गंभीर जखमी झालेल्या शांताबाई रघुनाथ मोरे (वय ८०, मठ गल्ली, शिवाजी पेठ) यांचा उपचारादरम्‍यान मंगळवारी मृत्‍यू झाला. १८ फेब्रुवारीला राहत्‍या घरी ही घटना घडली होती. त्‍यांच्‍यावर सीपीआरमध्‍ये उपचार सुरू होते. याची नोंद सीपीआर पोलीस चौकीत झाली.