भरदिवसा वृध्देची चेन लंपास, चोरटा सीसीटीव्हीमध्ये कैद 

गजबजलेल्या महाद्वाररोडवरील वांगी बोळ येथे घरासमोर उभ्या असलेल्या वृध्देच्या गळ्यातील दोन तोळ्याची सोन्याची चेन चोरट्याने हिसडा मारुन लंपास केली. शुक्रवारी भरदिवसा दोनच्या सुमारास ही घटना घडल्याने जुनाराजवाडा पोलीसांची तारांबळ उडाली.

 कोल्हापूर - गजबजलेल्या महाद्वाररोडवरील वांगी बोळ येथे घरासमोर उभ्या असलेल्या वृध्देच्या गळ्यातील दोन तोळ्याची सोन्याची चेन चोरट्याने हिसडा मारुन लंपास केली. शुक्रवारी भरदिवसा दोनच्या सुमारास ही घटना घडल्याने जुनाराजवाडा पोलीसांची तारांबळ उडाली. सर्वत्र नाकाबंदी करुन चोरट्याचा माग काढण्याचा प्रयत्न केला, मात्र तो मिळून आला नाही. चोरटा येथील एका घरासमोरील सीसीटीव्ही कॅमेºयात कैद झाला असून पाळत ठेवून त्याने चेन स्नॅचिंग केल्याचे पोलीस निरीक्षक अनिल गुजर यांनी सांगितले. 

अधिक माहिती अशी, दिपाली दिलीप गुळवणी (वय ६१) यांचे ए वॉर्ड वांगी बोळ येथे घर आहे. शुक्रवारी दूपारी दोनच्या सुमारास त्या घरासमोर उभ्या होत्या. समोर राहत असलेल्या महिलेला पाणी आलेय का म्हणून त्या विचारपुस करीत होत्या. यावेळी अचानक पांढºया रंगाच्या मोपेडवरुन आलेल्या तरुणाने त्यांच्या गळ्यातील चेन हिसडा मारुन पोबारा केला. गुळवणी यांनी चोर..चोर म्हणून आरडाओरड केली. त्यांचा आवाज ऐकून आजूबाजूचे लोक जमा झाले. तो पर्यंत चोरटा पसार झाला होता. भयभित झालेल्या गुळवणी यांना लोकांनी सावरले. त्यानंतर जुनाराजवाडा पोलीस ठाण्यात वर्दी दिली. पोलीस निरीक्षक गुजर यांनी घटनास्थळी भेट देवून पाहणी केली. येथील राठोड यांच्या घराच्या समोर सीसीटीव्ही कॅमेरे आहेत. त्याचे फुटेज पाहिले असता तीस वर्षाचा तरुण वांगी बोळ येथे चालत फिरत असताना दिसून आला. तो आजूबाजूच्या घरासमोर उभ्या असलेल्या महिलांना लक्ष करीत असल्याचे दिसून आले. गल्लीमध्ये लोकांची वर्दळ कमी होताच बाजूला लावलेली मोपेड घेवून त्याने चेन हिसडा मारुन घेतली. त्यानंतर तो महाद्वाररोडवरुन खरी कॉर्नरच्या दिशेने पसार झाला. तो सुरुवातीस निवृत्ती चोकातून वांगी बोळ येथे आलेचे फुटेज पोलीसांना मिळाले आहे. त्याच चेहरा स्पष्ट कसून अंगामध्ये निळा-पांढºया रंगाचा टी शर्ट व जिन्सची पॅन्ट घातली आहे. टेहाळणी करुन त्याने चेन स्नॅचिंग केल्याचे सीसीटीव्हीत दिसत आहे. भरदिवसा चेन स्नॅचिंगचा प्रकार घडल्याने नागरिकांत भिती पसरली आहे.