बांधकाम कामगारांना सुविधा मिळवण्यासाठी कटिबद्ध

: बांधकाम कामगारांना मेडिकल योजना होती ती बंद झाली. ती पूर्ववत सुरू करावी, त्याचप्रमाणे त्यांना पेन्शन व घरकूल योजना राबवावी, यासाठी यापुढे प्रत्येक बांधकाम कामगारांना त्यांना न्याय व हक्काच्या सोयी सुविधा मिळवून देण्यासाठी कटिबद्ध राहणार आहे, असे प्रतिपादन बांधकाम कामगार संघटना संस्थापक अध्यक्ष प्रकाश पोवार यांनी केले.

कासारवाडा (पा.) ता.राधानगरी येथे शिवनेरी बांधकाम कामगार संघटना महाराष्ट्र राज्य कार्यालय सरवडे यांच्या वतीने शिवनेरी बांधकाम कामगार संघटना शाखेच्या उद्घानप्रसंगी अध्यक्षस्थानावरून ते बोलत होते.

यावेळी जनरल सेक्रेटरी जोतिराम सुतार, उपाध्यक्ष दत्तात्रय माने, जिल्हा कमिटी सदस्य भिकाजी पाटील, लहू पाटील, तालुका सदस्य शिवाजी रानमाळे, कृष्णात बुजरे, शाखा अध्यक्ष संभाजी गाडीवड्ड उपाध्यक्ष शिवाजी गाडी वड्ड, सेक्रेटरी शिवाजी कांबळे, सहसेक्रेटरी अमोल पाडळकर आदिंसह मान्यवर, संघटना पदाधिकारी, बांधकाम कामगार व ग्रामस्थ उपस्थित होते.

खजानिस शंकर मोरे यांनी स्वागत केले. ग्रामसेवक संभाजी वरुटे यांनी आभार केले.