लसीकरण केंद्रावर काँग्रेसतर्फे पिण्याच्या पाण्याची साेय

कोल्हापूर : कोल्हापूर जिल्हा काँग्रेस कमिटीतर्फे महापालिका क्षेत्रातील लसीकरण केंद्रांना लस घेणाऱ्या नागरिकांसाठी पिण्याच्या पाण्याची सुविधा उपलब्ध करून देण्यात आली आहे. काँग्रेसचे जिल्हाध्यक्ष तथा पालकमंत्री सतेज पाटील यांच्या हस्ते पाण्याचे कुलकेज जिल्हा काँग्रेस कमिटीला सुपूर्द करण्यात आले.

सध्या कोविड लसीकरण मोहीम सर्वत्र राबवली जात आहे. कोल्हापूर महापालिका क्षेत्रात १२ लसीकरण केंद्रावर लसीकरण मोहीम राबवली जात आहे. शनिवारपासून १८ ते ४४ वयोगटातील नागरिकांना लसीकरण करण्याला सुरुवात करण्यात आली. ही लसीकरण मोहीम पुढील सहा महिने चालणार आहे. लस घेण्यासाठी लसीकरण केंद्रावर येणाऱ्या नागरिकांना पिण्याच्या पाण्याची सुविधा उपलब्ध करून देण्यासाठी सामान्यांना आधार देण्याच्या भावनेतून कोल्हापूर जिल्हा काँग्रेस कमिटीने लसीकरण केंद्रावर १५० पिण्याच्या पाण्याचे कुलकेज उपलब्ध करून दिले आहेत.

यावेळी काँग्रेस कमिटीचे शहराध्यक्ष प्रल्हाद चव्हाण, गुलाबराव घोरपडे, संजय पोवार-वाईकर, किशोर खानविलकर, महंमद शरीफ शेख, संपत पाटील, संध्या घोटणे, वैशाली महाडिक, चंदा बेलेकर, उज्वला चौगले, मतीन शेख, सचिन काटकर, किरण मेथे, डॉ. बुलबुले, मंगल खुडे, आर. के. देवणे, यशवंत थोरवत, संजय चिकुर्डेकर, बाबुराव कंबळे, राजेंद्र मोरे, पार्थ मुंडे, दीपक थोरात, अक्षय शेळके उपस्थित होते.

फोटो क्रमांक - ०२०५२०२१-कोल-कॉग्रेस कमिटी

ओळ -कोल्हापूर जिल्हा काँग्रेस कमिटीतर्फे महापालिका क्षेत्रातील लसीकरण केंद्रावर पिण्याच्या पाण्याची सोय म्हणून कुलकेज भेट देण्यात आले.