गगनबावडा तालुक्यात काँग्रेसची घौडदौड

गगनबावडा : तालुक्यातील गगनबावडा, सांगशी/सैतवडे, कातळी/ लखमापूर, किरवे,लोंघे, मुटकेश्वर, वेतवडे, असंडोली या आठ ग्रामपंचायतींच्या सरपंच व उपसरपंच पदाच्या निवडी आज दुपारी जाहीर झाल्या. गगनबावडा तालुक्यातील पाच गावच्या सरपंच पदावर काँग्रेसने बाजी मारली. एक भाजपकडे, एक स्थानिक आघाडीकडे, तर एका ठिकाणी शिंदे गटाचा सरपंच विराजमान झाला आहे.

तालुक्यातील सांगशी, किरवे, लोंघे, मुटकेश्वर व असंडोली या पाच ठिकाणी काँग्रेसचे गगनबावडा येथे स्थायिक आघाडीचे, कातळी येथे भाजपचे तर वेतवडे येथे संमिश्र गटाचे सरपंच उपसरपंच विराजमान झाले आहेत.

गावनिहाय सरपंच व उपसरपंच निवडी पुढीलप्रमाणे:

गगनबावडा मानसी गुरुनाथ कांबळे, मुस्ताक महमद वडगावे. सांगशी भास्कर माने, विशाखा पडवळ. कातळी/ लखमापूर उज्वला विनायक पाटील, शबरी हसन नाचरे. किरवे सविता पांडुरंग जाधव, विकास सरदार पाटील. लोंघे अजित गोविंदा पाटील, अर्चना कृष्णात कुंभार. मुटकेश्वर रूपाली शहाजी पाटील, प्रकाश ज्ञानू पाटील. असंडोली भारती शिवाजी पाटील, चंद्रकांत बंडोपंत सुतार.