कोरोनाचे नवे २९३ रुग्ण, सात मृत्यू

कोल्हापूर : जिल्ह्यात गेल्या २४ तासांत २९३ नवे कोरोना रुग्ण नोंदविण्यात आले असून, दिवसभरात सातजणांचा मृत्यू झाला आहे. दिवसभरामध्ये १०३ जण बरे होऊन घरी गेले असून, सध्या २९२९ रुग्णांवर उपचार सुरू आहेत.

नव्या आढळलेल्या रुग्णांमध्ये सर्वाधिक १४३ रुग्ण कोल्हापूर शहरातील आहेत, तर १६ रुग्ण हे नगरपालिका क्षेत्रातील आहेत. दिवसभरामध्ये ८६३ जणांची तपासणी करण्यात आली असून, ११३५ जणांचे स्वॅब घेण्यात आले आहेत. ३९४ जणांची अँटिजेन टेस्ट करण्यात आली आहे. मृतांमध्ये भुदरगड तालुक्यातील दारवाड येथील ६५ वर्षीय पुरुष, पुणे येथील ९० वर्षीय पुरुष, कोल्हापूरमधील यादवनगरमधील ७० वर्षीय महिला, इचलकरंजी येथील कृष्णानगर येथील ६२ वर्षीय महिला, आजरा तालुक्यातील भादवण येथील ७५ वर्षीय महिला, कसबा बावडा येथील मराठा कॉलनीतील ५६ वर्षीय महिला, शाहूवाडी तालुक्यातील सरूड येथील ६६ वर्षीय पुरुष यांचा समावेश आहे.

चौकट

आजरा ०५

भुदरगड ०१

चंदगड ०४

गडहिंग्लज ००

गगनबावडा ००

हातकणंगले २६

कागल १०

करवीर ४०

पन्हाळा १३

राधानगरी ५

शाहूवाडी ००

शिरोळ ४

नगरपालिका १६

कोल्हापूर महापालिका १४३

अन्य जिल्हे २६

एकूण २९३