corona cases in kolhapur : जिल्ह्यात कोरोना रुग्णांचा उच्चांक, २२७४ पॉझिटिव्ह

CoronaVirus In Kolhapur-कोल्हापूर जिल्ह्यातील आतापर्यंतची सर्वाधिक कोरोना रुग्णांची संख्या बुधवारी नोंदविण्यात आली आहे. तब्बल २ हजार २७४ नागरिकांचे अहवाल पॉझिटिव्ह आले असून, ५८ जणांचा मृत्यू झाला आहे. यामध्ये कोल्हापूर शहरातील १४ जणांचा समावेश आहे. एकट्या कोल्हापूर शहरामध्ये ४२८ नागरिक पॉझिटिव्ह आले आहेत.

ठळक मुद्देजिल्ह्यात कोरोना रुग्णांचा उच्चांक, २२७४ पॉझिटिव्ह५८ जणांचा मृत्यू, कोल्हापूर शहरातील १४ जणांचा मृतांमध्ये समावेश

कोल्हापूर -जिल्ह्यातील आतापर्यंतची सर्वाधिक कोरोना रुग्णांची संख्या बुधवारी नोंदविण्यात आली आहे. तब्बल २ हजार २७४ नागरिकांचे अहवाल पॉझिटिव्ह आले असून, ५८ जणांचा मृत्यू झाला आहे. यामध्ये कोल्हापूर शहरातील १४ जणांचा समावेश आहे. एकट्या कोल्हापूर शहरामध्ये ४२८ नागरिक पॉझिटिव्ह आले आहेत.

गेल्या आठवड्यात येथील शेंडा पार्क येथील प्रयोगशाळेतील यंत्रणा निर्जंतुकीकरण करण्यासाठी तीन दिवस बंद ठेवण्यात आली होती. त्यामुळे प्रलंबित असलेले सात हजार स्वॅब रत्नागिरी आणि पुणे जिल्ह्यात पाठविण्यात आले होते. त्यातील शेवटचे १५०० हून अधिक अहवाल बुधवारी प्राप्त झाले. त्यातील पॉझिटिव्ह आणि दैनंदिन स्वॅबमधील स्थानिक प्रयोगशाळेतील पॉझिटिव्ह अहवाल यामुळे हा आकडा पावणे तेविसशेवर गेला आहे.

कोल्हापूरपाठोपाठ सर्वाधिक २०६ रुग्ण इतर जिल्हा आणि राज्यातील आढळले असून, इचलकरंजीत १४१ रुग्ण पॉझिटिव्ह आले आहेत. करवीर तालुक्यात २५२, तर हातकणंगले तालुक्यात २१३ रुग्ण नोंदविण्यात आले आहेत. चंदगड १२०, गडहिंग्लज १५८, कागल १६१, पन्हाळा १२९, शिरोळ २०० अशी नव्या रुग्णांची आकडेवारी आहे.

जिल्ह्यातील ५१ जणांचा मृत्यू

• कोल्हापूर १४

फुलेवाडी, संभाजीनगर, शिवाजी पेठ, गुजरी, नाना पाटील नगर, सदर बझार, साने गुरुजी वसाहत ०२, राजोपाध्येनगर ०२, राजारामपुरी, माळी कॉलनी टाकाळा, डी मार्ट रंकाळा, महालक्ष्मीनगर

• करवीर ०७

हिरवडे खालसा, खेबवडे, कंदलगाव, उजळाईवाडी, उचगाव २, गडमुडशिंगी

• हातकणंगले ०६

पट्टणकोडोली २, नवे पारगाव, हेर्ले २, वाठार

• इचलकरंजी ०६

कारंडे मळा, जवाहर हनुमान चौक, दत्तनगर, पाटील मळा, विक्रमनगर

• पन्हाळा ०४

जाफळे, पन्हाळा, कोडोली, भाचरवाडी

• शिरोळ ०४

निमशिरगाव २, टाकवडे, जयसिंगपूर

• गडहिंग्लज ०३

वडरगे, गडहिंग्लज, तेरणी

• भुदरगड ०३

शेणगाव, गारगोटी, कडगाव

• शाहूवाडी ०२

विशाळगड, थेरगाव

• आजरा ०२

सुळे, भिगुर्डे

• इतर राज्ये, जिल्हे ०७

नाशिक, कांदेकर मळा कोंढवे पुणे, बोरगाव, गुहाघर, तोरसे, जानव्हल, लाडेवाडी

गर्दी टाळण्याचीच गरज

शनिवारी रात्रीपासून लॉकडाऊन होणार म्हणून सरसकट नागरिकांनी बाहेर न पडता दक्षता घेण्याची गरज आहे. घरातील एकाच व्यक्तीने घराबाहेर सर्व ती काळजी घेऊन बाहेर पडून आवश्यक खरेदी करून घरी येण्याची गरज आहे. जर सर्वच जनता बाहेर पडणार असेल तर या गर्दीतून आणखी कोरोनाचा फैलाव होण्याची शक्यता आहे. त्यामुळे गरज असणाऱ्यांनीच बाहेर पडणे हिताचे ठरणार आहे.