कोरोना मृत्यूसंख्या आली दोनवर
By लोकमत न्यूज नेटवर्क | Published: August 26, 2021 04:27 AM2021-08-26T04:27:17+5:302021-08-26T04:27:17+5:30
कोल्हापूर: कोरोनाने मृत्यू झालेल्याचा ग्रामीण भागातील आकडा बुधवारी शून्यावर तर शहरी भागात केवळ दोनवर आल्याने फार मोठा दिलासा मिळाला ...
कोल्हापूर: कोरोनाने मृत्यू झालेल्याचा ग्रामीण भागातील आकडा बुधवारी शून्यावर तर शहरी भागात केवळ दोनवर आल्याने फार मोठा दिलासा मिळाला आहे. १५९ नवे रुग्ण आढळले तर २१५ जण कोरोनामुक्त होऊन घरी परतले.
कोल्हापुरात बुधवारी कोरोनाने दोन मृत्यू झाले. त्यातील एक राजारामपुरी तर दुसरा देवगण निवास न्यू पॅलेस येथील आहेत. ग्रामीण भागात एकही मृत्यू नाही. रुग्णांच्या बाबतीत मात्र जिल्ह्यातील गगनबावडावगळता उर्वरीत तालुके, नगरपालिका, महापालिका क्षेत्रात नवे बाधित आढळले आहेत. त्यात आजरा ०३, भुदरगड १, चंदगड ३, गडहिंग्लज ७, हातकणंगले १६, कागल २, करवीर २१, पन्हाळा १, राधानगरी १, शाहूवाडी ६, शिरोळ २३ यांचा समावेश आहेत. नगरपालिका कार्यक्षेत्रात इचलकरंजी १२, जयसिंगपूर १०, कुरुंदवाड १, गडहिंग्लज २, कागल ३, मुरगूड, शिरोळ, हुपरी, पेठवडगाव प्रत्येकी १ असे नवे रुग्ण आढळले आहेत.