‘सीपीआर’मधील लिपिक संजय पाटील यांचे कोरोनाने निधन

संजय पाटील हे सन २००८ मध्ये सीपीआर रुग्णालयातील प्रयोगशाळेमध्ये कक्षसेवक म्हणून रूजू झाले. सन २०११ पासून ते क्ष-किरण विभागामध्ये काम करू लागले. तात्पुरती पदोन्नतीनुसार कनिष्ठ लिपिक म्हणू रेकॉर्ड विभागामध्ये सन २०१९ पासून ते कार्यरत होते. गेल्या सव्वा महिन्यापासून ते रुग्णालयामध्ये दाखल होते. कोरोनामुळे त्यांचे शुक्रवारी सायंकाळी निधन झाले. त्यांना राज्य सरकारी गट - ड (चतुर्थ श्रेणी) कर्मचारी मध्यवर्ती महासंघ, राज्य सरकारी चतुर्थश्रेणी आरोग्य कर्मचारी मध्यवर्ती संघटना जिल्हा शाखा आणि सीपीआर रुग्णालयातील चतुर्थ श्रेणी आरोग्य सेवा कर्मचारी संघटनेतील पदाधिकारी, सदस्य, राजर्षी छत्रपती शाहू महाराज शासकीय वैद्यकीय महाविद्यालयातील शिक्षक, कर्मचारी, विद्यार्थ्यांनी त्यांना श्रध्दांजली वाहिली.

फोटो (२८०५२०२१-कोल-संजय पाटील (निधन)