क्राईम संक्षिप्त न्यूज

कोल्हापूर : यादवनगर, शाहू मिल चौक येथून अभिजित भैरवनाथ बामणे गुरुवारी रात्री साडेदहाच्या सुमारास जात होते. यावेळी अज्ञातांसोबत त्यांचा किरकोळ कारणावरून वाद झाला. यावेळी बामणे यांना बेदम मारहाण करण्यात आली. त्यांच्यावर सीपीआरमध्ये उपचार सुरू आहे.

कुंभोजला तरुण जखमी

कोल्हापूर : कुंभोज येथे शुक्रवारी दुपारी मोटारसायकल घसरून तरुण जखमी झाला. स्वप्निल अशोक वाईकर (वय ३४) असे त्यांचे नाव आहे. त्यांना सीपीआरमध्ये दाखल केले. याची नोंद सीपीआर चौकीत झाली.

हेरलेत पादचाऱ्यासह दोघे जखमी

कोल्हापूर : हेरले (ता. हातकणंगले) येथे शुक्रवारी दुपारी मोटारसायकलने दिलेल्या धडकेत पादचाऱ्यासह दोघे जखमी झाले. शामराव दादू कुरणे (वय ७१) व महेश आगडे (४२) अशी त्यांची नावे आहेत. त्यांना सीपीआरमध्ये दाखल केले. याची नोंद सीपीआर चौकीत झाली.

यवलूजला मारहाणीत जखमी

कोल्हापूर : यवलूज (ता. पन्हाळा) येथे शुक्रवारी सकाळी झालेल्या मारहाणीत एकजण जखमी झाला. तानाजी रंगराव पाटील (वय ४५) असे त्यांचे नाव आहे. त्यांना सीपीआरमध्ये दाखल केले. याची नोंद सीपीआर चौकीत झाली.

ट्रॅक्‍टरचालकास मारहाण

कोल्हापूर : गोकुळ शिरगाव परिसरात गुरुवारी रात्री उशिरा ऊस वाहतूक करणाऱ्या ट्रॅक्‍टरचालकास ट्रकचालकाने हुकाने मारहाण केली. त्यात ते गंभीर जखमी झाले. कृष्णा हणमंत करमळे (वय २६) असे त्यांचे नाव आहे. त्यांना सीपीआरमध्ये दाखल केले. याची नोंद सीपीआर चौकीत झाली.