डी. वाय. पाटील इंजिनिअरिंग कॉलेज विजेता

लीड हॉकी स्पर्धा : संजीवन इंजिनिअरिंग कॉलेजवर मात

कोल्हापूर : डी. वाय. पाटील इंजिनिअरिंग कॉलेजने संजीवन इंजिनिअरिंग कॉलेजवर २-१ असा सडनडेथवर पराभव करीत इंजिनिअरिंग कॉलेजअंतर्गत संजीवन कॉलेजतर्फे भरविण्यात आलेल्या लीड हॉकी स्पर्धेचे विजेतेपद पटकावले.
रविवारी कोल्हापुरातील मेजर ध्यानचंद हॉकी स्टेडियम येथे डॉ. डी. वाय. पाटील इंजिनिअरिंग कॉलेज व संजीवन इंजिनिअरिंग कॉलेज यांच्यात अंतिम सामना झाला. पूर्णवेळ सामना गोलशून्य बरोबरीत राहिल्याने पंचांनी टायब्रेकरचा अवलंब केला. यामध्येही तो ३-३ असा बरोबरीत राहिला. त्यामुळे सामन्याचा निकाल सडनडेथवर लावण्याचा निर्णय पंचांनी घेतला. यामध्ये डी. वाय. पाटील इंजिनिअरिंग कॉलेज संघाने सडनडेथवर संजीवन संघाचा २-१ असा पराभव करीत अजिंक्यपद पटकावले.