हेरवाड-पाचवा मैल रस्त्यावर गव्याचे दर्शन
By लोकमत न्यूज नेटवर्क | Published: September 2, 2021 04:54 AM2021-09-02T04:54:39+5:302021-09-02T04:54:39+5:30
हेरवाड (ता. शिरोळ) येथील हेरवाड-पाचवा मैल रस्त्यावरील राजू आलासे यांच्या शेतात बुधवारी सायंकाळी सातच्यासुमारास काही ...
हेरवाड (ता. शिरोळ) येथील हेरवाड-पाचवा मैल रस्त्यावरील राजू आलासे यांच्या शेतात बुधवारी सायंकाळी सातच्यासुमारास काही शेतकऱ्यांना गव्याचे दर्शन झाले. त्यामुळे शेतकरी वर्गात भीतीचे वातावरण पसरले आहे. या जंगली प्राण्याला वनविभागाने जेरबंद करण्याची मागणी होत आहे.
बुधवारी सायंकाळी आलासे यांच्या शेतात कुत्री भुंकण्याचा आवाज आला. त्यामुळे काही शेतकऱ्यांनी पाहिले असता गवा दिसून आला. अचानक गवा दिसल्याने शेतकरी वर्गातून भीती व्यक्त होत आहे.
शिरोळ पंचायत समिती सदस्या मिनाज जमादार यांनी वन विभाग व तहसील कार्यालयाला याबाबतची माहिती कळविली असून, या परिसरातील शेतकऱ्यांनी सावधानता बाळगावी, असे आवाहन केले आहे.
फोटो ओळ - ०१गवा
हेरवाड (ता. शिरोळ) येथील राजू आलासे यांच्या शेतात गवा आला असून, कुत्री त्याचा पाठलाग करत आहेत.