दत्तवाड ग्रा.पं. सदस्यावर गुन्हा दाखल करा

कुरुंदवाड : दत्तवाड (ता. शिरोळ) येथील ग्रामपंचायत सदस्य व राष्ट्रवादी अल्पसंख्याक सेलचे जिल्हाध्यक्ष नूर काले यांनी फेसबुक अकाऊंटवरून जातिवाचक आक्षेपार्ह पोस्ट केल्याच्या कारणावरून शिवसेनेच्यावतीने कुरुंदवाड पोलीस ठाण्यावर मोर्चा काढण्यात आला. नूर काले यांच्यावर गुन्हा नोंद करून कडक कारवाई करण्याची मागणी यावेळी करण्यात आली. यामुळे शहरात तणावाचे वातावरण निर्माण झाले होते. पोलीस निरीक्षक चंद्रकांत निरावडे यांनी, आक्षेपार्ह पोस्टची चौकशी करून गुन्हा दाखल करण्याचे आश्वासन दिल्यानंतर आंदोलक शांत झाले. शिवसेना तालुकाप्रमुख वैभव उगळे यांनी मोर्चाचे नेतृत्व केले.

दरम्यान, अशा गुंड प्रवृत्तीवर गुन्हा दाखल करावा व त्यांच्यावर कडक कारवाई करावी, अन्यथा शिवसेना स्टाईलने आंदोलन करण्यात येईल, असा इशारा तालुकाप्रमुख उगळे यांनी दिला.

मोर्चामध्ये शिवसेना जिल्हा उपप्रमुख मधुकर पाटील, शहर अध्यक्ष बाबासाहेब सावगावे, मंगल चव्हाण, वैशाली जुगळे, आप्पासाहेब भोसले, विष्णू पंतमाळी, मिलिंद गोरे, नीलेश तवंदकर, प्रशांत शहापूरकर, पिंटू नरके, विजय अडसूळ, केदार जुगळे, स्वप्नील चव्हाण, प्रशांत डवरी, बाबासाो गावडे, आप्पा गावडे, उमेश बागडी आदी शिवसैनिक सहभागी झाले होते.

फोटो - १९०३२०२१-जेएवाय-०२

फोटो ओळ -

कुरुंदवाड येथे शिवसेनेच्यावतीने पोलीस ठाण्यावर मोर्चा काढण्यात आला. यावेळी वैभव उगळे, शहरप्रमुख बाळासाहेब सावगावे, मधुकर पाटील उपस्थित होते.