मळणी मशीनमध्ये अडकलेल्या जखमी महिलेचा मृत्यू

कोल्हापूर : शेतात मळणी करताना मशीनमध्ये साडीचा पदर अडकून गळफास लागून अत्यावस्थ असलेल्या हातकणंगले तालुक्यातील रुकडी येथील महिलेचा बुधवारी सायंकाळी मृत्यू झाला. इंदूबाई पांडुरंग माळी (वय ६५) असे मृत महिलेचे नाव आहे.

पोलिसांनी दिलेली माहिती अशी की, दि. ९ मार्च रोजी शेतात मळणीचे काम सुरू असताना इंदूबाई माळी यांच्या साडीचा पदर मळणी मशीनच्या पंख्यात अडकला. त्यामुळे पंख्यात साडी गुरफटून माळी यांच्या गळ्याला साडीचा फास लागला. त्यावेळी शेजारी काम करणाऱ्यांनी तातडीने मशीन बंद करुन त्यांची सुटका केली. त्यांना ताडीने खासगी रुग़्णालयात उपचारासाठी दाखल करण्यात आले होते. त्यांची प्रकृती बिघडल्याने त्यांना मंगळवारी रात्री पुढील उपचारासाठी सीपीआर रुग्णालयात दाखल केले होते. उपचार सुरू असताना बुधवारी सायंकाळी त्यांचा मृत्यू झाला. याबाबत सीपीआर पोलीस चौकीत घटनेची नोंद झाली आहे.