वडिलांच्या उत्तरकार्याला सॅनिटायझर, मास्कचे वाटप

लोकमत न्यूज नेटवर्क

कोल्हापूर : पाडळी खुर्द (ता. करवीर) येथील बी. आर. पाटील व पाटील कुटुंबीयांनी आपल्या वडिलांच्या उत्तरकार्याला दूध संस्था कर्मचारी व उत्पादकांना सॅनिटायझर व मास्कचे वाटप केले.

शिवाजी विद्यापीठाचे सेवानिवृत्त उपकुलसचिव व पाडळी खुर्द येथील विविध संस्थांच्या उभारणीत मोठे योगदान असणारे आर. डी. पाटील यांचे निधन झाले. त्यांच्या उत्तरकार्यानिमित्त ‘गोकूळ’चे सहायक व्यवस्थापक बी. आर. पाटील व जिल्हा बँकेचे कर्मचारी संजय पाटील यांनी स्मशानभूमीसाठी आवश्यक साहित्य दिले. त्याचबरोबर दूध संस्था कर्मचारी व दूध उत्पादकांसाठी सॅनिटायझर व मास्कचे वाटप केले. यावेळी पाडळी खुर्दचे सरपंच तानाजी पालकर, ग्रामपंचायत सदस्य, दूध संस्थांचे कर्मचारी उपस्थित होते.

फोटो ओळी : पाडळी खुर्द (ता. करवीर) येथील आर. डी. पाटील यांच्या उत्तरकार्यानिमित्त पाटील कुटुंबीयांनी सॅनिटायझर व मास्कचे वाटप केले. (फोटो-२६०५२०२१-कोल-पाडळी खुर्द)