जिल्हा निवड चाचणी कुस्ती स्पर्धा शनिवारपासून
By लोकमत न्यूज नेटवर्क | Published: August 26, 2021 04:27 AM2021-08-26T04:27:21+5:302021-08-26T04:27:21+5:30
कोल्हापूर : राज्य कुस्तीगीर परिषदेच्यावतीने २३ वर्षांखालील फ्रिस्टाईल, ग्रिको रोमन मुले, मुलींच्या राष्ट्रीय कुस्ती स्पर्धेसाठी महाराष्ट्र राज्याची संघ निवड ...
कोल्हापूर : राज्य कुस्तीगीर परिषदेच्यावतीने २३ वर्षांखालील फ्रिस्टाईल, ग्रिको रोमन मुले, मुलींच्या राष्ट्रीय कुस्ती स्पर्धेसाठी महाराष्ट्र राज्याची संघ निवड चाचणी सप्टेंबरमध्ये होणार आहे. याकरीता कोल्हापूर जिल्हा राष्ट्रीय तालीम संघाच्यावतीने शनिवार (दि. २८) पासून दोन दिवसीय जिल्हानिवड चाचणी होणार आहे.
मोतीबाग तालीममध्ये होणाऱ्या या निवड चाचणीमध्ये शनिवारी (दि. २८) ला सकाळी ८ ते ११ या कालावधीत प्रथम वजने घेतली जाणार आहेत. त्यानंतर निवड चाचणी स्पर्धेला सुरुवात होणार आहे. स्पर्धेसाठी गट असे, मुले फ्रिस्टाईल (किलोमध्ये) ५७, ६१, ६५, ७०, ७४, ७९, ८६, ९२, ९७ व १२५ पर्यंत , मुले ग्रिको रोमन (किलोमध्ये ) - ५५, ६०, ६३, ६७, ७२, ७७, ८२, ८७, ९७ व १३० पर्यंत, मुली (किलोमध्ये) - ५०, ५३, ५५, ५७, ५९, ६२, ६५, ६८, ७२, ७६ पर्यंत. ज्या खेळाडूंची राज्य कुस्तीगीर परिषदेकडे नोंदणी झाली आहे अशानाच स्पर्धेत सहभागी होता येणार आहे. निवड चाचणीत सहभागी होणाऱ्या मल्लांची जन्म तारीख १ जानेवारी १९९८ ते ३१ डिसेंबर २००२ दरम्यान (१९ ते २३ वर्षे ) असावी. ज्या कुस्तीगीरांची जन्मतारीख १ जानेवारी २००३ ते ३१ डिसेंबर २००३ दरम्यान असेल, त्यांनी वैद्यकीय अधिकाऱ्यांचे तंदुुरुस्ती प्रमाणपत्र व पालकांचे संमतीपत्र आणावे. निवड चाचणी कोरोनासंबधी सुरक्षा पाळून केली जाणार आहे. अशी माहिती कोल्हापूर जिल्हा राष्ट्रीय तालीम संघाच्यावतीने देण्यात आली.