आजरा उपनगराध्यक्षपदाची आज होणार निवड

आजरा नगरपंचायतीच्या उपनगराध्यक्षपदासाठी अनिरुद्ध ऊर्फ बाळ केसरकर व संजीवनी सावंत इच्छुक आहेत. सध्या नगरपंचायतीमध्ये सत्तारूढ व विरोधी गटाचे समझोता एक्सप्रेस सुरू आहे. दोन्ही गटांनी विकासकामासाठी एकत्र येण्याचा निर्णय घेतला आहे. त्यानुसार गेल्या वेळच्या उपनगराध्यक्ष व सभापती निवडीही झाल्या आहेत. १० महिन्यांपूर्वी वादास नाईक यांना उपनगराध्यक्ष करतेवेळी १०-१० महिन्यांचा उपनगराध्यक्ष करण्याचा निर्णय झाला आहे. त्यानुसार पहिल्या दहा महिन्यांसाठी विलास नाईक यांना संधी देण्यात आली होती. त्यांचा दहा महिन्यांचा कालखंड संपल्यानंतर त्यांनी राजीनामा दिला आहे. त्यामुळे आता बाळ केसरकर यांना संधी दिली जाणार आहे.

नगराध्यक्षा ज्योत्स्ना चराटी यांच्या अध्यक्षतेखाली उपनगराध्यक्ष निवडीची सकाळी ११ वाजता सभा होणार आहे. तत्पूर्वी सत्तारूढ गटाच्या नगरसेवकांची बैठक होणार आहे. त्यामध्ये उपनगराध्यक्षपदासाठी बाळ केसरकर यांचे नावावर शिक्कामोर्तब होणार आहे.