पावसाची उघडीप, अनेक मार्ग वाहतुकीला खुले

चंदगड : गेल्या दोन-तीन दिवसांपासून हाहाकार उडवलेल्या पावसाने रविवारी उघडीप दिली. त्यामुळे पाण्याखाली असलेल्या बेळगाव - वेंगुर्ला मार्गासह अनेक मार्ग खुले झाले आहेत.

गुरूवारी व शुक्रवारी चंदगड तालुक्याला पावसाने अक्षरश: झोडपून काढले. त्यामुळे तालुक्यातील घटप्रभा, ताम्रपर्णी या नद्यांसह अनेक ओढ्यांवर पाणी आल्याने दाटेजवळ बेळगाव - वेंगुर्ला मार्गासह तिलारीकडे जाणारा, कोवाडकडे जाणारे अनेक मार्ग बंद होते. तसेच ४० ते ४२ वर्षांनंतर अडकूर पुलावर पाणी आल्याने हा मार्गही वाहतुकीला बंद होता.

घटप्रभा धरणातून घटप्रभा नदीत व झांबरे धरणातून ताम्रपर्णी नदीत पाणी सोडल्याने नदीकाठच्या लोकांना महापुराचा फटका बसला. कानडी येथील १५ कुटुंबांचे स्थलांतर करावे लागले तसेच १९ गावांमध्ये ५३ घरांचे पुराच्या पाण्यामुळे व अतिवृष्टीमुळे नुकसान झाले आहे.

तालुक्यातील ९०० लोकांचे स्थलांतर करावे लागले.

फोटो ओळी : कोवाड (ता. चंदगड) येथील बाजारपेठेत ताम्रपर्णी नदीचे पाणी घुसून व्यापारी व दुकानदारांचे मोठ्या प्रमाणात नुकसान झाले आहे.

क्रमांक : २५०७२०२१-गड-०४