कोळगाव येथील शेतकऱ्याचा विजेच्या धक्क्याने मृत्यू

कोळगाव (ता. शाहूवाडी) येथील शेतकरी किशोर अनंत पाटील (वय ४५) हे कोळगाव गावच्या हद्दीत असणाऱ्या शाळी नदीकाठावर असलेली मोटारपंप सुरू करण्यास गेले असता त्यांना पाण्यात असणाऱ्या मोटारीचा शाॅक लागून मृत्यू झाल्याची दुर्दैवी घटना घडली. याची नोंद शाहूवाडी पोलिसांत झाली आहे.

पोलिसांतून मिळालेली महिती अशी, रविवारी (दि. १८) दुपारी किशोर पाटील उसाच्या शेताला पाणी पाजण्यासाठी शाळी नदीकाठावर असणारी शेतीपंपाची मोटार चालू करण्यासाठी गेले होते. पाण्यातील मोटार सुरू करीत असताना त्यांना शॉक लागला. शेजारी असणाऱ्या शेतकऱ्यांना ही घटना समजल्यावर त्यांना उपचारासाठी मलकापूर ग्रामीण रुग्णालयात दाखल केले असता वैद्यकीय अधिकाऱ्यांनी मृत घोषित केले. त्यांच्या मृतदेहाचे शवविच्छेदन करून मृतदेह नातेवाइकांच्या ताब्यात दिला. त्यांच्या पश्चात पत्नी, मुलगा, मुलगी, भाऊ, भावजय, आई, वडील असा मोठा परिवार आहे. माजी सरपंच सुभाष पाटील यांचे ते बंधू होते. अधिक तपास सहा. फौ. एस. व्ही. सावंत करीत आहेत.

फोटो

किशोर अनंत पाटील

.