माजी उपमहापौर सचिन खेडेकर यांचे निधन

Death Kolhapur : लक्षतीर्थ वसाहत येथील माजी उपमहापौर सचिन आनंदराव खेडेकर (वय ४३) यांचे शुक्रवारी निधन झाले. त्यांच्या पश्चात पत्नी, दोन मुलगे, आईवडील असा परिवार आहे.

ठळक मुद्देमाजी उपमहापौर सचिन खेडेकर यांचे निधनतीस वर्षांहून अधिक काळ प्रभागाचे नेतृत्व

 कोल्हापूर : लक्षतीर्थ वसाहत येथील माजी उपमहापौर सचिन आनंदराव खेडेकर (वय ४३) यांचे शुक्रवारी निधन झाले. त्यांच्या पश्चात पत्नी, दोन मुलगे, आईवडील असा परिवार आहे.

खेडेकर यांनी २०१०ते २०१५ या कालावधीत महापालिकेत नगरसेवक म्हणून लक्षतीर्थ प्रभागाचे प्रतिनिधित्व केले होेते. त्यांनी ७ डिसेंबर २०१२ ते १५ मे २०१३ या कालावधीत उपमहापौरपद भूषविले. त्यांनी राष्ट्रवादी काँग्रेसकडून निवडणूक लढविली होती. २०१५ च्या महापालिका निवडणुकीत त्यांच्या पत्नी अनुराधा खेडकर निवडून आल्या.

लक्षतीर्थ वसाहत या प्रभागातून गेल्या तीस वर्षांहून अधिक काळ खेडेकर कुटुंबातील सदस्य नगरसेवक म्हणून या प्रभागाचे नेतृत्व करीत आहेत. प्रथम वडील आनंदराव, आई मालती यांनीही नगरसेवकपद भूषविले होते. अनेकांच्या मदतीला रात्री-अपरात्री धावून जाणारे लोकप्रतिनिधी म्हणून सचिन खेडेकर प्रसिद्ध होते. या भागात संर्पकही मोठा होता. शुक्रवारी रात्री साडेअकरा वाजण्याच्या सुमारास त्यांचे निधन झाले.