चंदगड तहसीलचे चार कर्मचारी आदर्श पुरस्काराने सन्मानित
By लोकमत न्यूज नेटवर्क | Published: August 17, 2021 04:29 AM2021-08-17T04:29:16+5:302021-08-17T04:29:16+5:30
चंदगड तहसील कार्यालयांतर्गत महसूल विभागातील प्र. नायब तहसीलदार संजय राजगोळे व मंडल अधिकारी प्रवीण खरात (हेरे) यांना आदर्श ...
चंदगड तहसील कार्यालयांतर्गत महसूल विभागातील प्र. नायब तहसीलदार संजय राजगोळे व मंडल अधिकारी प्रवीण खरात (हेरे) यांना आदर्श अधिकारी, दीपक कांबळे (कोवाड) यांचा आदर्श तलाठी व कोतवाल सोमनाथ शहापूरकर (शिनोळी) यांचा आदर्श कर्मचारी पुरस्काराने आमदार राजेश पाटील, प्रांताधिकारी बाबासाहेब वाघमोडे यांच्याहस्ते प्रशस्तिपत्र देऊन सत्कार झाला.
यावेळी गडहिंग्लजचे तहसीलदार दिनेश पारगे, गटविकास अधिकारी शरद मगर यांची प्रमुख उपस्थिती होती.
नागरिकांच्या दैनंदिन जीवनात महसूल विभागाचे अनन्य असे महत्त्व आहे. १ ऑगस्ट महसूलदिनी या चार कर्मचाऱ्यांची या पुरस्कारासाठी निवड झाली होती. त्यांचा स्वातंत्र्यदिनी गौरव करण्यात आला.
कोविड प्रतिबंधक, कायदा व सुव्यवस्था, महापूर मदतकार्य, महसुली वसुली, निवडणूक व दैनंदिन कामकाजात उत्कृष्ट सेवा केल्याबद्दल त्यांचा सन्मान करण्यात आला.
फोटो ओळी : गडहिंग्लज येथे आमदार राजेश पाटील यांच्याहस्ते प्र. नायब तहसीलदार संजय राजगोळे यांचा गौरव झाला. शेजारी प्रांताधिकारी बाबासाहेब वाघमोडे, तहसीलदार दिनेश पारगे आदी उपस्थित होते.
क्रमांक : १६०८२०२१-गड-०६