मतदारसंघातील रस्ते सर्वोत्तम करण्यास निधी देणार : राजू आवळे

खोची ते लाटवडे रस्त्याच्या दुरुस्ती कामासाठी आमदार आवळे यांनी ४५ लाखांचा निधी मंजूर केला. त्या कामाचे उद्घाटन प्रसंगी ते बोलत होते. अध्यक्षस्थानी राष्ट्रवादीचे प्रदेश प्रतिनिधी प्रा. बी. के. चव्हाण होते. आवळे म्हणाले,प्रलंबित असलेली विकासकामे मार्गी लावली जातील. कोणताही परिसर विकासापासून वंचित राहणार नाही. गावकरी जी कामे सुचवतील ती पूर्ण करण्यास कटिबद्ध आहे. कोणताही गट-तट न पाहता हक्काचा आमदार समजून कामे सांगा. कामाची पूर्तता करण्यास मी बांधील आहे. यावेळी प्रा. बी. के. चव्हाण, माजी ग्रामपंचायत सदस्य सुशेनराव शिंदे, भैरवनाथ पोवार यांची भाषणे झाली. डॉ. अनिल पाटील, वडगाव बाजार समितीचे संचालक एम. के. चव्हाण, माजी उपसरपंच अमरसिंह पाटील, शेतकरी संघटनेचे शिवाजी पाटील, हणमंत पाटील, इलाही देसाई, नूतन ग्रामपंचायत सदस्य जगदीश पाटील, अभिजीत चव्हाण, प्रमोद सूर्यवंशी, स्वाती सिद्ध, संजय गांधी निराधार समिती सदस्या अर्चना बाबर उपस्थित होते.

फोटो ओळी - खोची-लाटवडे रस्त्याच्या दुरुस्ती कामाचे उद्घाटन प्रसंगी आमदार आवळे यांनी मार्गदर्शन केले. यावेळी शिवाजी पाटील, सुशेनराव शिंदे, जगदीश पाटील, अभिजित चव्हाण, एम .के. चव्हाण, बी. के. चव्हाण, अर्चना बाबर उपस्थित होते.