मोठा दिलासा..तीन महिन्यातील सर्वात कमी रुग्णसंख्या

कोल्हापूर : गेल्या तीन महिन्यातील सर्वात कमी कोरोना रुग्णसंख्या सोमवारी नोंदवण्यात आली आहे. ३५५ नागरिकांना कोरोनाची लागण झाली असून १३ जणांचा मृत्यू झाला आहे. दिवसभरात १३४३ जणांना डिस्चार्ज देण्यात आला आहे तर १० हजार २३३ जणांवर उपचार सुरू आहेत.

कोल्हापूर शहरात १५०, करवीर तालुक्यात ६६ तर हातकणंगले तालुक्यात ४३ जणांना कोरोना झाला आहे. करवीर तालुक्यातील सर्वाधिक सहा मृत्यू झाले असून कोल्हापूर शहरातील चौघांचा मृत्यू झाला आहे. चाचण्या कमी केल्याने रुग्ण कमी येत असतील अशी नागरिकांत चर्चा असली तरी ६ हजार २३८ चाचण्यांपैकी ३५५ नागरिक पॉझिटिव्ह आले आहेत. त्यामुळे हा पॉझिटिव्हिटी दर ५.६९ टक्क्यांपर्यंत खाली आला आहे.

चौकट

तालुकावार मृत्यू

करवीर ०६

वाकरे, गाडगोंडवाडी, वडणगे, उचगाव, कोगिल बुद्रुक, कणेरीवाडी

कोल्हापूर ०४

रामानंदनगर, लक्षतीर्थ वसाहत, राजोपाध्येनगर, देवकर पाणंद

हातकणंगले ०२

तळसंदे, अंबप

इतर जिल्हा ०१

चिक्कोडी