राजर्षी छत्रपती शाहू महाराज यांना अभिवादन

कोल्हापूर : राजर्षी छत्रपती शाहू महाराज यांच्या जयंतीनिमित्त शनिवारी पालकमंत्री सतेज पाटील, खासदार संभाजीराजे छत्रपती, खासदार संजय मंडलिक, ग्रामविकास मंत्री हसन मुश्रीफ आदी मान्यवरांनी राजर्षी शाहू महाराज यांचे जन्मस्थळ ‘लक्ष्मी विलास पॅलेस’ येथील राजर्षी शाहू महाराजांच्या प्रतिमेला अभिवादन केले. यावेळी त्यांच्या प्रतिमेला पुष्पहार अर्पण करण्यात आले.

यावेळी माजी मंत्री आमदार चंद्रकांत पाटील, आमदार ऋतुराज पाटील, आमदार चंद्रकांत जाधव, जिल्हाधिकारी दौलत देसाई, महापालिका प्रशासक डॉ. कादंबरी बलकवडे, जिल्हा पोलीस अधीक्षक शैलेश बलकवडे, जिल्हा परिषद मुख्य कार्यकारी अधिकारी संजयसिंह चव्हाण, इतिहास संशोधक, शाहू प्रेमी व मान्यवर उपस्थित होते.

दसरा चौकातील राजर्षी शाहू महाराजांच्या पूर्णाकृती पुतळ्याला पालकमंत्री पाटील यांनी पुष्पहार अर्पण करून अभिवादन केले. यावेळी ग्रामविकास मंत्री मुश्रीफ, श्रीमंत शाहू महाराज छत्रपती, खासदार संभाजीराजे छत्रपती यांनीही राजर्षी शाहू महाराजांच्या पुतळ्याला पुष्पहार अर्पण करून अभिवादन केले. यावेळी खासदार मंडलिक, माजी मंत्री आमदार चंद्रकांत पाटील, आमदार जयंत आसगावकर, समरजीत घाटगे, अपर जिल्हाधिकारी किशोर पवार, समाजकल्याण विभागाचे सहायक आयुक्त विशाल लोंढे आदी मान्यवर उपस्थित होते.

चौकट

महापालिकेतर्फे शाहू महाराज जयंती साजरी

महापालिकेतर्फे लक्ष्मी विलास पॅलेस (कसबा बावडा) येथील जन्मस्थळातील राजर्षी छत्रपती शाहू महाराजांच्या प्रतिमेस आणि दसरा चौकातील राजर्षी छत्रपती शाहू महाराज यांच्या पूर्णाकृती पुतळ्यास पुष्पहार अर्पण करून अभिवादन करण्यात आले.

नर्सरी बागेतील शाहू समाधी स्थळ, महापालिकेच्या राजर्षी छत्रपती शाहू सभागृहातील शाहू महाराज यांच्या अर्धपुतळ्यास प्रशासक डॉ. बलकवडे यांनी पुष्पहार अर्पण केले. यावेळी श्रीमंत छत्रपती शाहू महाराज, पालकमंत्री पाटील, ग्रामविकासमंत्री मुश्रीफ, भाजप प्रदेशाध्यक्ष आमदार चंद्रकांत पाटील, खासदार संभाजीराजे छत्रपती, खासदार मंडलिक, आमदार जाधव, ऋतुराज पाटील, अतिरिक्त आयुक्त नितीन देसाई, उप-आयुक्त रविकांत आडसूळ, शिल्पा दरेकर, सहाय्यक आयुक्त संदीप घार्गे, चेतन कोंडे, शहर अभियंता नेत्रदीप सरनोबत, उप-शहर अभियंता हर्षजीत घाटगे, नारायण भोसले, माजी नगरसेवक राजेश लाटकर, आदिल फरास, अशोक जाधव, संदीप नेजदार, सुभाष बुचडे, सत्यजीत कदम, सुनील कदम, माजी नगरसेविका माधुरी लाड, मराठा महासंघाचे अध्यक्ष वसंतराव मुळीक, दिलीप देसाई, कादर मलबारी, गणी आजरेकर, बाबा पार्टे आदी उपस्थित होते.

फोटो : २६०६२०२१-कोल- अभिवादन

कोल्हापुरातील दसरा चौकातील राजर्षी शाहू महाराजांच्या पूर्णाकृती पुतळ्याला श्रीमंत शाहू महाराज छत्रपती, पालकमंत्री सतेज पाटील, ग्रामविकास मंत्री हसन मुश्रीफ यांनी पुष्पहार अर्पण करून अभिवादन केले. यावेळी खासदार संजय मंडलिक, माजी मंत्री आमदार चंद्रकांत पाटील, आमदार जयंत आसगावकर, समरजीत घाटगे आदी मान्यवर उपस्थित होते.