अज्ञात वाहनाची धडक; एकाचा मृत्यू

इचलकरंजी : संगमनगर ते कोंडिग्रे फाटा याठिकाणी मॉर्निंग वॉकसाठी गेलेल्या एकास अज्ञात चारचाकी वाहनाने धडक दिल्याने त्याचा मृत्यू झाला. मानसिंग दिनकर खोत (वय ५०, रा. खोतवाडी, ता. हातकणंगले) असे त्यांचे नाव आहे. याबाबत अज्ञात वाहनचालकावर शहापूर पोलीस ठाण्यात गुन्हा दाखल झाला आहे. याबाबतची तक्रार गजानन विलास नलगे (रा. खोतवाडी) यांनी दिली आहे.

याबाबत अधिक माहिती अशी, सोमवारी सकाळी सव्वासहा वाजण्याच्या सुमारास मानसिंग हे मॉर्निंग वॉकसाठी खोतवाडीतून निघाले होते. संगमनगर ते कोंडिग्रे फाटा या मार्गावर एका अज्ञात वाहनचालकाने त्यांना जोराची धडक दिली. त्यामध्ये ते जागीच ठार झाले. दरम्यान, वाहनचालकाने तेथून पलायन केले. शहापूर पोलीस सीसीटीव्हीच्या माध्यमातून त्याचा शोध घेत आहेत.

फोटो ओळी

१४०६२०२१-आयसीएच-०१-मानसिंग खोत