इचलकरंजी संक्षिप्त बातम्या

इचलकरंजी : येथील माजी शिक्षण सभापती व भाजपचे कार्यकर्ते रमेश श्रावण कांबळे यांनी भाजपला सोडचिठ्ठी देत कार्यकर्त्यांसह राष्ट्रवादी काँग्रेसमध्ये प्रवेश केला. यावेळी माजी आमदार अशोक जांभळे यांची प्रमुख उपस्थिती होती. राष्ट्रवादी कॉँग्रेसला मजबुती देत नगरपालिका निवडणुकीत उमेदवारी दिल्यास यश मिळवून देऊ, अशी ग्वाही रमेश कांबळे यांनी दिली. यावेळी राजू खोत, तानाजी हराळे, रवी कांबळे, कृष्णात पोवार, राहुल ज्वारे, आदी उपस्थित होते.

इचलकरंजीत तीन पॉझिटिव्ह

इचलकरंजी : शहरात शुक्रवारी महादेवनगर व शेळके मळा या परिसरातील तिघांचा कोरोना अहवाल पॉझिटिव्ह आला. त्यामुळे एकूण बाधित रुग्णांची संख्या चार हजार ७ वर पोहोचली आहे, तर मृत्यू संख्या १९४ वर स्थिर आहे. आतापर्यंत तीन हजार ८०४ जणांनी कोरोनावर मात केली आहे. नऊजणांवर उपचार सुरू आहेत.