पाटणकर हायस्कूलमध्ये रोटरी इंटरॅक्टचा पदग्रहण

कोल्हापूर : नागोजीराव पाटणकर हायस्कूल, मराठी शाळा, अभिनव बालक मंदिर यांच्यावतीने पाटणकर दिन व रोटरी इंटरॅक्ट क्लब पदग्रहण समारंभ झाला. बी. एन. पाटणकर ट्रस्टचे सचिव एन. एल. ठाकूर यांनी प्रास्ताविक केले. यावेळी अनुषा पाटील यांची इंटरॅक्ट क्लबचे अध्यक्ष म्हणून निवड करण्यात आली.

रोटरी क्लब ऑफ कोल्हापूरचे अध्यक्ष सूर्यकांत पाटील म्हणाले, पूर्वजांनी घालून दिलेला सामाजिक कार्याचा वारसा जपण्यासाठी पाटणकर कुटुंबियांनी समाजसेवेचे व्रत हाती घेतले आहे. बी. एन. पाटणकर ट्रस्टचे अध्यक्ष आर. एन. तथा बाळ पाटणकर यांनीही मनोगत व्यक्त केले. जिया मोमीन, सिध्दार्थ पाटणकर, प्रकाश जगदाळे आदी उपस्थित होते. ऑनलाईन चित्रकला स्पर्धा व गुणवंत विद्यार्थ्यांचा सत्कार यावेळी पाहुण्यांच्याहस्ते करण्यात आला. मुख्याध्यापक बामणे यांनी आभार मानले.

फोटो ओळी :

नागोजीराव पाटणकर हायस्कूलमध्ये पाटणकर दिन व रोटरी इंटरॅक्ट क्लब पदग्रहण समारंभात सूर्यकांत पाटील यांचा सत्कार बाळ पाटणकर यांनी केला. (फोटो-२७१२२०२०-कोल-पाटणकर)