येवती येथे शाळा कमानीचे उद्घाटन

दिंडनेर्ली : विद्यामंदिर येवती शाळेच्या शताब्दी वर्षानिमित्त आजी-माजी सैनिक संघटना यांनी सामाजिक कृतज्ञता जपून केलेले कमान उभारणीचे कार्य हे आजच्या समाजासाठी आदर्शवत आहे, असे गौरवोद्गार कार्यक्रमाचे प्रमुख पाहुणे कर्नल संजय सरनाईक (कमांडिंग ऑफिसर मराठा बटालियन एनसीसी कोल्हापूर ) यांनी काढले.

येवती (ता. करवीर) येथील आजी-माजी सैनिक संघटनेच्या वतीने उभारलेल्या शाळा कमानीच्या उद्घाटनाप्रसंगी ते बोलत होते.

तरुणांनी एनसीसी प्रशिक्षण व सैनिक भरतीसाठी आवश्यक तयारी कशी करावी याबाबत उपस्थित पालकांना व तरुणांना त्यांनी मार्गदर्शन केले. शाळा कमान उभारणीसाठी योगदान दिलेल्या सर्व आजी-माजी सैनिकांचा शाळेच्या वतीने सन्मानपत्र देऊन सन्मान करण्यात आला.

या उद्घाटन सोहळ्यासाठी सुभेदार मेजर विठ्ठल वडिंगेकर (रिटायर्ड) , सुभेदार बाबूराव कांबळे (रिटायर्ड), नायक योगेश कुमार, सरपंच वीरधवल पाटील, उपसरपंच संतोष कांबळे, शाळा व्यवस्थापन समितीचे अध्यक्ष प्रकाश पाटील, आजी-माजी सैनिक संघटनेचे पदाधिकारी, ग्रामस्थ, आजी-माजी विद्यार्थी उपस्थित होते. कार्यक्रमाचे प्रास्ताविक मुख्याध्यापक संजय कुर्डूकर यांनी केले. कार्यक्रमाचे सूत्रसंचालन युवराज पाटील यांनी केले.

फोटोओळी :

येवती (ता.करवीर) येथील आजी-माजी सैनिक संघटनेच्या वतीने उभारलेल्या शाळा कमानीच्या उद्घाटनाप्रसंगी कर्नल संजय सरनाईक,

सुभेदार मेजर विठ्ठल वडिंगेकर (रिटायर्ड), सुभेदार बाबूराव कांबळे (रिटायर्ड), नायक योगेश कुमार, सरपंच वीरधवल पाटील आदी उपस्थित होते.