आजरा तालुक्यात स्वातंत्र्यदिन उत्साहात
By लोकमत न्यूज नेटवर्क | Published: August 17, 2021 04:29 AM2021-08-17T04:29:23+5:302021-08-17T04:29:23+5:30
आजरा : आजरा तालुक्यात सुवर्ण महोत्सवी स्वातंत्र्यदिन उत्साहात पार पडला. शासकीय ध्वजारोहण तहसीलदार विकास अहिर यांच्या हस्ते झाले. होनेवाडीत ...
आजरा : आजरा तालुक्यात सुवर्ण महोत्सवी स्वातंत्र्यदिन उत्साहात पार पडला. शासकीय ध्वजारोहण तहसीलदार विकास अहिर यांच्या हस्ते झाले. होनेवाडीत राजर्षी शाहू व्यायाम मंडळातर्फे मुलांना पोषणयुक्त खाऊचे तर शिवसेनेतर्फे पूरग्रस्त गावे गजरगाव, साळगाव, हत्तीवडेसह तालुक्यात धान्याचे वाटप करण्यात आले.
यावेळी उत्कृष्ट सेवा बजावणारे उत्तूरचे मंडल अधिकारी प्रशांत गुरव, देवकांडगावचे कोतवाल ज्ञानदेव भादवणकर, झुलपेवाडीचे पोलीस पाटील अशोक लोहार यांचा सत्कार करण्यात आला.
पंचायत समितीमध्ये सभापती उदय पवार, आजरा पोलीस स्थानकामध्ये सहाय्यक पोलीस निरीक्षक बालाजी भांगे, आजरा ग्रामीण रूग्णालयात वैद्यकीय अधिकारी डॉ. अशोक फर्नांडिस, आजरा साखर कारखान्यात अध्यक्ष सुनील शिंत्रे, आजरा सूतगिरणीत अन्नपूर्णादेवी चराटी यांच्या हस्ते ध्वजारोहण झाले.
आजरा अर्बन बँकेत अध्यक्ष सुरेश डांग, जनता बँकेत अध्यक्ष मुकुंद देसाई, स्वामी विवेकानंद पतसंस्थेत अध्यक्ष जनार्दन टोपले, आजरा नगर पंचायतीत नगराध्यक्ष ज्योत्स्ना चराटी, गंगामाई वाचन मंदिरात अध्यक्ष डॉ. अशोक बाचूळकर यांच्या हस्ते ध्वजारोहण झाले.
आजरा हायस्कूलमध्ये अशोक चराटी, व्यंकटराव हायस्कूलमध्ये जिल्हा परिषद उपाध्यक्ष जयवंत शिंपी यांच्या हस्ते, भादवणमध्ये गुणवंत विद्यार्थिनीच्या हस्ते ध्वजारोहण झाले.
उत्तूर परिसर ध्वजारोहण
उतूर : उत्तूर (ता. आजरा) येथील ग्रामपंचायतीत सरपंच वैशाली आपटे यांच्या हस्ते ध्वजोराहण झाले. यावेळी उपसरपंच सचिन उतूरकर, जिल्हा परिषद सदस्य उमेश आपटे, वसंत धुरे, मंडल अधिकारी प्रशांत गुरव, तलाठी कल्याण सोनावणे, महेश करंबळी, संजय उतूरकर, संभाजी कुराडे, सुधीर जाधव, दीपक कांबळे, जोतिबा पोवार, उषा चव्हाण, शांता खोराटे, ग्रामविकास अधिकारी आर. वाय. नुल्ले, आजी-माजी सैनिक, तरुण मंडळांचे कार्यकर्ते, शिक्षक, अंगणवाडी सेविका, मदतनीस, संस्थेचे पदाधिकारी व ग्रामस्थ उपस्थित होते.