आप्पाचीवाडी फाट्याजवळील अपघातात कोगनोळीचे युवक जखमी
By लोकमत न्यूज नेटवर्क | Published: October 20, 2020 05:22 PM2020-10-20T17:22:05+5:302020-10-20T17:22:51+5:30
kognoli, accident, kolhapurnews, कोगनोळी येथील राष्ट्रीय महामार्ग क्रमांक ४८ वर असणाऱ्या आप्पाचीवाडी फाट्याजवळ कार व मोटरसायकल अपघातात कोगनोळी येथील दोन युवक जखमी झाले. हा अपघात मंगळवारी सकाळी घडला.
कोगनोळी येथील आप्पाचीवाडी फाट्यावर झालेल्या अपघातातील नॅनो कार उलटली होती.
बाबासो हळिज्वाळे
कोगनोळी -येथील राष्ट्रीय महामार्ग क्रमांक ४८ वर असणाऱ्या आप्पाचीवाडी फाट्याजवळ कार व मोटरसायकल अपघातात कोगनोळी येथील दोन युवक जखमी झाले. हा अपघात मंगळवारी सकाळी घडला.
याबाबत अधिक माहिती अशी की, निपाणी येथील शिक्षक अशिष नांगावकर हे नॅनो कार (क्रमांक केए २४ एम ३३०२) घेऊन कागलला निघाले होते. येथील आप्पाचीवाडी फाट्याजवळ आले असता गाडीचे नियंत्रण सुटून समोर जात असणाऱ्या स्पेडर मोटरसायकलला (क्रमांक एम एच ०९ डिक्यू ३९४७) जोराची धडक दिली.
या अपघातात स्वप्निल महादेव अक्कोळे व महावीर चिंचणे रहाणार कोगनोळी हे गंभीर जखमी झाले. दोघांनाही कोल्हापूर येथील खासगी रुग्णालयात दाखल करण्यात आले आहे. धडक दिल्यानंतर कार उलटली. निपाणी ग्रामीण पोलीस स्टेशनचे सहाय्यक उपनिरिक्षक एस. ए. टोलगी, पी. डी. घस्ती यांनी घटनास्थळी भेट देऊन पाहणी केली.
