कोल्हापूर महापालिका थोडक्यात महत्वाचे
By लोकमत न्यूज नेटवर्क | Published: February 5, 2021 07:16 AM2021-02-05T07:16:56+5:302021-02-05T07:16:56+5:30
लोकमत न्यूज नेटवर्क कोल्हापूर : शहरातील दसरा चौक व उमा टॉकीज परिसरातील चार विनापरवाना होर्डिंग्जवर महापालिकेच्या इस्टेट विभागाच्यावतीने कारवाई ...
लोकमत न्यूज नेटवर्क
कोल्हापूर : शहरातील दसरा चौक व उमा टॉकीज परिसरातील चार विनापरवाना होर्डिंग्जवर महापालिकेच्या इस्टेट विभागाच्यावतीने कारवाई करण्यात आली.
होर्डिंग्जधारकांनी त्या होर्डिंगवर महापालिकेचा परवाना क्रमांक व कालावधी प्रसिद्ध करणे बंधनकारक केले आहे; परंतु शहरातील बऱ्याच होर्डिंग्जवर परवाना व कालावधी नमुद नसल्याने बुधवारपासून दसरा चौक व उमा टॉकीज परिसरातील चार होर्डिंग्जवर इस्टेट विभागाच्यावतीने कारवाई करण्यात आली. सदरची मोहीम अशीच सुरू राहणार असून ज्या होर्डिंगवर परवाना क्रमांक नाही, असे होर्डिंग काढण्यात येणार आहेत याची संबंधितांनी नोंद घ्यावी, असे आवाहन इस्टेट विभागाच्यावतीने करण्यात आले आहे.
लक्षतीर्थ वसाहतमधील डी. पी. रोडवरील अतिक्रमण काढले
कोल्हापूर : लक्षतीर्थ वसाहत येथील १८ मीटर डी. पी. रोडवरील भारती महिपती घाटगे यांनी केलेले विनापरवाना पत्रा शेड व तानाजी वास्कर यांनी केलेले विनापरवाना पत्राशेड आज विभागीय कार्यालय क्रमांक २ च्या वतीने हटविण्यात आले. सदरची कारवाई शहर अभियंता नेत्रदीप सरनोबत यांचे मार्गदर्शनाखाली करण्यात आली.