कोल्हापूर  : जलतरण स्पर्धेत प्रज्ज्वल वाघ, आभा देशपांडे यांची खुल्या गटात बाजी

कोल्हापूर जिल्हास्तरीय खुल्या शाहू जलतरण स्पर्धेत प्रज्ज्वल वाघ, आभा देशपांडे यांनी खुल्या गटात प्रथम क्रमांक पटकावीत बाजी मारली.

ठळक मुद्देप्रज्ज्वल वाघ, आभा देशपांडे यांची खुल्या गटात बाजीसात वर्षांखालील गटात धुव्रराज पाटील व स्वरा पाटील यांना अजिंक्यपद

कोल्हापूर  : जिल्हास्तरीय खुल्या शाहू जलतरण स्पर्धेत प्रज्ज्वल वाघ, आभा देशपांडे यांनी खुल्या गटात प्रथम क्रमांक पटकावीत बाजी मारली.

आभा देशपांडे

कोल्हापूर स्पोर्टस क्लब व रोटरी क्लब आॅफ सनराईजतर्फे भवानी जलतरण तलाव येथे घेण्यात आलेल्या या स्पर्धेत १७ वर्षांखालील गटात अवधूत परुळेकर, इफिया इकलवाले, तर १५ वर्षांखालील तेजस माने, अस्मी देसाई, १३ वर्षांखालील गटात यशराज चौगुले, अपूर्वा म्हेतर , ११ वर्षांखालील गटात शिववर्धन पाटील, संस्कृती आयरे यांनी, तर ९ वर्षांखालील गटात श्रीधर कामते व सुरभी देसाई यांनी प्रथम क्रमांक पटकाविला. सात वर्षांखालील गटात धुव्रराज पाटील व स्वरा पाटील यांनी अजिंक्यपद पटकाविले.

स्पर्धेचा बक्षीस समारंभ रोटरी क्लब आॅफ सनराईजचे सचिव हृषिकेश खोत, कॅप्टन बी. एन. पाटील यांच्या हस्ते झाला. यावेळी के. एस. ए. उपाध्यक्ष सरदार मोमीन, माणिक मंडलिक, संभाजी मांगोरे-पाटील, नील पंडित बावडेकर, राजेंद्र दळवी, नितीन जाधव, मानसिंग पाटील, आदी मान्यवर उपस्थित होते.