कोल्हापूर : ताराबाई पार्कात घरफोडी, दीड लाखाचा मुद्देमाल लंपास

सुलोचना गार्डन होम्स,सरदार कॉलनी ताराबाई येथील बंगल्याच्या मुख दरवाजाचे फटीतून लॅच लॉक काढून चोरट्याने तिजोरीतील चांदीचे दागिने, साड्या, मोबाईल, घड्याळ असा सुमारे दीड लाख किंमतीचा मुद्देमाल चोरुन नेला. ही घटना २८ मार्च रोजी रात्री सातच्या सुमारास घडली.

ठळक मुद्देताराबाई पार्कात घरफोडी, दीड लाखाचा मुद्देमाल लंपाससीसीटीव्ही फुटेज पाहून चोरट्याचा शोध

कोल्हापूर : सुलोचना गार्डन होम्स,सरदार कॉलनी ताराबाई येथील बंगल्याच्या मुख दरवाजाचे फटीतून लॅच लॉक काढून चोरट्याने तिजोरीतील चांदीचे दागिने, साड्या, मोबाईल, घड्याळ असा सुमारे दीड लाख किंमतीचा मुद्देमाल चोरुन नेला. ही घटना २८ मार्च रोजी रात्री सातच्या सुमारास घडली.

अधिक माहिती अशी, विजय आप्पासाहेब भोसले (वय ६८) हे व्यापारी आहेत. २८ मार्च रोजी सायंकाळी सातच्या सुमारास ते पत्नीसह फिराला बाहेर पडले. बाहेर जाताना त्यांनी बंगल्याचा मुख दरवाजा ओढून घेतला होता.

तासभर फिरुन आलेनंतर दरवाजा उघडा दिसला. आतमध्ये पाहिले असता तिजोरीतील साहित्य विस्कटलेले होते. चोरट्याने दरवाजाचे आतिल लॅच लॉक काढून आतमध्ये प्रवेश करुन चांदीचे दागिन्यांसह इतर मुद्देमाल चोरुन नेल्याचे त्यांच्या लक्षात आले.

याप्रकरणी त्यांनी दि. ३० मार्चला शाहुपूरी पोलीसांत फिर्याद दिली. पोलीस या परिसरातील सीसीटीव्ही फुटेज पाहून चोरट्याचा शोध घेत आहेत.