घरफाळावाढीचा प्रस्ताव फेटाळण्याचा नेत्यांचा आदेश

सर्वच नगरसेवकांनी यावेळी घरफाळा वाढविणे योग्य नसल्याचे सांगितले.

कोल्हापूर : शहरातील मिळकतधारकांवर लादण्यात येणारा संभाव्य घरफाळा वाढीचा प्रस्ताव फेटाळण्याचे आदेश काँग्रेस व राष्ट्रवादीच्या नेत्यांनी शुक्रवारी रात्री नगरसेवकांना दिले.काँग्रेस व राष्ट्रवादीच्या सर्व नगसेवकांची बैठक शुक्रवारी रात्री उशिरा देशमुख हॉल येथे पार पडली. या बैठकीला आमदार हसन मुश्रीफ व आमदार सतेज पाटील तसेच काँग्रेसचे शहराध्यक्ष प्रल्हाद चव्हाण, राष्ट्रवादीचे शहराध्यक्ष राजेश लाटकर उपस्थित होते. बैठकीत घरफाळावाढीची आमदार मुश्रीफ व आमदार पाटील यांनी माहिती घेऊन चर्चा केली. सर्वच नगरसेवकांनी यावेळी घरफाळा वाढविणे योग्य नसल्याचे सांगितले. शेवटी हा प्रस्ताव फेटाळण्याचा आदेश नेत्यांनी नगरसेवकांना दिला. (प्रतिनिधी)