एम. जे. मार्केटमधून ६२ हजारांची तांब्याची तार लंपास

कोल्हापूर : पार्वती टाॅकीजजवळील एम. जे. मार्केटमध्ये असणाऱ्या एका कार्यालयाच्या बाहेरील ६२ हजार रुपये किमतीची तांब्याची तार अज्ञाताने लंपास केली. याबाबतची फिर्याद प्रसाद देवेंद्र अथणे (वय ३८, रा. टाकाळा) यांनी राजारामपुरी पोलीस ठाण्यात दिली.

पोलिसांकडून मिळालेली माहिती अशी, फिर्यादी पार्वती टाॅकीजजवळील एम.जे. मार्केटमध्ये असणाऱ्या एका खासगी दूरसंचार कंपनीच्या कार्यालयात काम करतात. या कार्यालयाबाहेर असणारी ७६ मीटर लांबीची व १५६ किलो वजनाची तांब्याची तार अज्ञाताने बुधवारी (दि.२६) च्या रात्री व ते गुरुवारी (दि. २७) च्या दरम्यान चोरट्याने लांबविली. त्याची किंमत सुमारे ६२ हजार ४०० रुपये इतकी होती. अज्ञात चोरट्याविरोधात याबाबतचा तपास पोलिस निरीक्षक सीताराम डुबल यांच्या मार्गदर्शनाखाली पोलीस नाईक आवडे करीत आहेत.