Maharashtra Vidhan Sabha Election 2024 Results : कोल्हापूर दक्षिणमध्ये मोठी घडामोड, अमल महाडिक २०१२ मतांनी आघाडीवर; कोण मारणार बाजी ?
By ऑनलाइन लोकमत | Published: November 23, 2024 09:34 AM2024-11-23T09:34:54+5:302024-11-23T09:36:29+5:30
Maharashtra Vidhan Sabha Election 2024 Results : कोल्हापूर दक्षिण विधानसभा मतदारसंघात भाजपा विरुद्ध काँग्रेस अशी मोठी लढत होत आहे.
Maharashtra Vidhan Sabha Election 2024 Results : कोल्हापूर दक्षिणमध्ये मोठी घडामोड, अमल महाडिक २०१२ मतांनी आघाडीवर; कोण मारणार बाजी ?
Maharashtra Vidhan Sabha Election 2024 Results ( Marathi News ) : विधानसभा निवडणूक निकालाचे कल येण्यास सुरुवात झाली आहे. पहिल्या फेरीत राज्यात भाजपाने मुसंडी मारल्याचे दिसत आहे. कोल्हापूर दक्षिण विधानसभा मतदारसंघात काँग्रेसचे ऋतुराज पाटील विरुद्ध भाजपाचे अमल महाडिक अशी लढत होत आहे. या विधानसभा मतदारसंघातील मतमोजणीचे पहिल्या फेरीतील कल समोर आले आहेत. भाजपाचे अमल महाडिक यांनी आघाडी घेतली आहे.
दक्षिण विधानसभा मतदारसंघात सकाळी ९ वाजता आलेल्या कलानुसार भाजपाचे अमल महाडिक यांनी २०१२ मतांनी आघाडी घेतली आहे. तर काँग्रेसचे ऋतुराज पाटील पिछाडीवर असल्याचे दिसत आहे. तिसऱ्या फेरीतही ऋतुराज पाटील पिछाडीवर आहेत. तिसऱ्या फेरीत ऋतुराज पाटील यांना ५७३३ एवढी तर तर भाजपाच्या अमल महाडिक यांना ६२७३ एवढी मत मिळाली आहेत. ९.३० पर्यंत आलेल्या कलानुसार अमल महाडिक यांनी ५४० मतांची आघाडी घेतली आहे.
कोल्हापूर दक्षिण विधानसभा मतदारसंघात २० नोव्हेंबर रोजी झालेल्या मतदानात ७५ टक्के मतदान झाले आहे. या मतदारसंघातील लढत म्हणजे काँग्रेसचे सतेज पाटील विरुद्ध भाजपाचे धनंजय महाडिक अशीच आहे, यामुळे या मतदारसंघाची राज्यात जोरदार चर्चा झाली आहे.