पुणे जिल्ह्यात चोऱ्या करुन कोल्हापुरात फिरणाऱ्याला अटक

कोल्हापूर : पुणे जिल्ह्यातील तळेगाव दाभाडे पोलीस ठाण्याच्या हद्दीत घरफोड्या करुन बेपत्ता असलेल्या चोरट्याला कोल्हापुरात शाहू मील परिसरात अटक करण्यात आली. गणेश नारायण आदमिले (वय ३४, रा. मेथे डिअर चर्चचे मागे, तळेगाव दाभाडे, ता. मावळ, जि. पुणे) असे अटक केलेल्या संशयित आरोपीचे नाव आहे. त्याच्या ताब्यातून मोपेड, दोन एलईडी संच, दोन मोबाईल संच असा सुमारे ८५ हजारांचा मुद्देमाल जप्त करण्यात आला.

पोलिसांनी दिलेली माहिती अशी की, स्थानिक गुन्हे अन्वेषण पोलीस पथके कोल्हापूर शहरात पेट्रोलिंग करत असताना त्यांनी राजारामपुरीतील शाहू मील परिसरात एका मोपेडस्वाराला संशयास्पदरित्या ताब्यात घेतले. त्याच्याकडे चौकशी करता त्याने प्रथम उडवाउडवीची उत्तरे दिली. त्यानंतर त्याने आपले नाव गणेश नारायण आदमिले असल्याचे सांगितले. तसेच त्याच्या ताब्यातील मोपेड, दोन एलईडी संच, दोन मोबाईल संच असा सुमारे ८५ हजार रुपये किमतीचा मुद्देमाल जप्त केला. हा मु्द्देमाल त्याने पुणे जिल्ह्यातील तळेगाव दाभाडे पोलीस ठाण्याच्या हद्दीतून चोरल्याचे चौकशीत निष्पन्न झाले. पोलिसांनी त्याला अटक करुन तळेगाव दाभाडे पोलिसांच्या ताब्यात दिले. दरम्यान, अटक केलेल्या गणेश आदमिले याच्यावर कोल्हापूरसह सोलापूर, पुणे, मुंबई या जिल्ह्यांत चोरीचे सुमारे १५हून अधिक गुन्हे दाखल असल्याची माहिती स्थानिक गुन्हे अन्वेषण पथकाचे पोलीस निरीक्षक प्रमोद जाधव यांनी दिली.

फोटो नं. ०१०९२०२१-कोल-गणेश आदमिले (आरोपी)

010921\01kol_35_01092021_5.jpg

फोटो नं. ०१०९२०२१-कोल-गणेश आदमिले (आरोपी)