नृसिंहवाडी दत्त देव संस्थानच्या अध्यक्षपदी मेघशाम पुजारी

नृसिंहवाडी : श्री क्षेत्र नृसिंहवाडी येथील श्री नृसिंह सरस्वती स्वामी दत्त देव संस्थानच्या अध्यक्षपदी मेघशाम पुजारी तर सचिवपदी महादेव पुजारी यांची बिनविरोध निवड करण्यात आली.

येथील श्री नृसिंह सरस्वती स्वामी दत्त देव संस्थानच्या विश्वस्तांची बैठक येथील दत्त देव संस्थानच्या सभागृहात झाली. या बैठकीत अध्यक्ष म्हणून मेघशाम पुजारी तर सचिव म्हणून महादेव पुजारी यांची बिनविरोध निवड करण्यात आली. या बैठकीच्या अध्यक्षस्थानी माजी अध्यक्ष अशोक पुजारी होते.

यावेळी मावळते अध्यक्ष अशोक पुजारी, सचिव गोपाळ पुजारी व विश्वस्त यांनी नूतन अध्यक्ष व सचिवांचा सत्कार केला. या निवडीनंतर दत्त देव संस्थानच्या माध्यमातून यात्रेकरू व भाविकांना विविध व आधुनिक सेवासुविधा पुरवून संस्थानच्या विकासासाठी प्रयत्नशील राहणार असल्याचे नूतन अध्यक्ष व सचिवांनी सांगितले. यावेळी विश्वस्त प्रा. गुंडो पुजारी, अशोक पुजारी, विकास पुजारी, रामकृष्ण पुजारी, गोपाळ पुजारी, अमोल विभुते, महेश हावळे उपस्थित होते.

फोटो - २२०२२०२१-जेएवाय-०९

फोटो ओळ - नृसिंहवाडी (ता. शिरोळ) येथील श्री नृसिंह सरस्वती दत्त देव संस्थानच्या नूतन अध्यक्ष, सचिवांचा सत्कार करण्यात आला.