वारणा नदीत मुलीसह आईची उडी घेऊन आत्महत्या

याबाबत समजलेली माहिती अशी, रेश्मा या रुदा मुलीसह रात्री उशिरा वारणा नदीवर आत्महत्या करायला गेल्या होत्या. तिथे असणाऱ्या मच्छीमार व अन्य एका तरुणाने अपरात्री येण्याचे कारण विचारून त्यांना परत पाठविले होते. तद्नंतर रात्री उशिरा तिने मुलीसह नदीत उडी घेऊन आत्महत्या केली. आपत्ती व्यवस्थापन पथकाच्या मदतीने बोटीच्या साहाय्याने मृतदेह नदीपात्रातून बाहेर काढण्यात आले. महिलेचा मृतदेह बुधवारी सकाळी १० च्या सुमारास, तर मुलीचा मृतदेह दुपारी ४ च्या सुमारास नदीपात्रात सापडला. रेश्मा हिच्या पतीचे साधारण तीन वर्षांपूर्वी अपघाती निधन झाले होते. ती कोडोली येथे तिच्या आईजवळ राहत होती; परंतु आईचेही दोन वर्षांपूर्वी निधन झाले. ती कोडोलीत खाजगी हॉस्पिटलमध्ये नर्स म्हणून काम करून आपला उदरनिर्वाह चालवीत होती. तिने काही वर्षांपूर्वी रुदा हिला दत्तक घेतले होते; परंतु ती वयाने मोठी झाल्यावर मतिमंद असल्याचे जाणवू लागले. त्यामुळे रेश्मा काही दिवसांपासून अस्वस्थ होती. या कारणास्त्व तिने आत्महत्या केल्याची चर्चा आहे.

घटनास्थळी कोडोली पोलीस ठाण्याचे सहा. पोलीस निरीक्षक दिनेश काशीद, फौजदार नरेंद्र पाटील, कुरळप पोलीस ठाण्याचे सहा. पोलीस निरीक्षक दीपक जाधव व कर्मचारी कोडोलीचे तलाठी अनिल पोवार उपस्थित होते.