‘माई टीव्हीएस’चा प्रतिष्ठेचा ‘डिलर ऑफ द इयर’ पुरस्काराने सन्मान

कोल्हापूर : येथील ‘माई टीव्हीएस’ला दिल्ली येथे ऑटोकार या मॅगझिनकडून प्रतिष्ठेचाचा ‘डिलर ऑफ द इयर’ हा पुरस्कार देऊन सन्मानित करण्यात आले.

देशभरातील महानगरे (मेट्रो) शहरं वगळता संपूर्ण देशभरातील दुचाकी एजन्सीजमधून या पुरस्कारासाठी माई टीव्हीएसची निवड झाली. घाटगे ग्रुपमधील माई टीव्हीएस गेल्या २१ वर्षांपासून कोल्हापूर शहरासह जिल्ह्यात कार्यरत आहे. या कालावधीत माई टीव्हीएसने ग्राहक सेवेसाठी अनेक पुरस्कार मिळवले. ग्राहकांना वेळेत गाड्यांची डिलिव्हरी, कर्जाची उपलब्धता तसेच वर्कशॉपमध्ये सर्वोत्तम सेवा देण्यासाठी हे शोरूम प्रसिद्ध आहे. ऑटोकारने या पुरस्कारासाठी निवड करताना ग्राहकांचे समाधान, ग्राहकांकडून मिळणारे रेटिंग्ज इत्यादी मुद्दे विचारात घेऊन ‘माई टीव्हीएस’ची निवड केली. या पुरस्कारामुळे संपूर्ण देशात घाटगे ग्रुप, माई टीव्हीएस आणि कोल्हापूरचं नाव राष्ट्रीय स्तरावर पोहोचले आहे. पुरस्कारामुळे आमची सर्वांची जबाबदारी वाढली असून, यापुढेही ग्राहक सेवा हा एकमेव उद्देश डोळ्यासमोर ठेवून वाटचाल सुरू राहील. हा पुरस्कार मिळण्यात आमच्या ग्राहकांचा सिंहाचा वाटा आहे. मी त्यांचा सदैव ऋणी आहे, अशी भावना माई टीव्हीएसचे मॅनेजिंग डायरेक्टर तेज घाटगे यांनी व्यक्त केली. ऑटोकारच्या प्रतिष्ठेच्या पुरस्काराला पात्र ठरल्यामुळे ग्राहक व हितचिंतकांकडून माई टीव्हीएसवर शुभेच्छांचा वर्षाव होत आहे.

फोटो (२४०३२०२१-कोल-ऑटोकार)