धैर्यशील माने यांचा शिवसेनेत प्रवेश तर निवेदिता माने यांचाही राजीनामा

राष्ट्रवादी कॉंग्रेस पक्षाच्या माजी खासदार श्रीमती.निवेदिता माने यांनी राष्ट्रवादी पक्षांच्या सदस्यत्वाचा व विविध पदांचा  राजीनामा दिला. यासह त्यांचे चिरंजीव श्री.धैर्यशील माने यांनी

ठळक मुद्देराष्ट्रवादीच्या निवेदिता माने व धैर्यशील माने यांचा शिवसेनेत प्रवेश

कोल्हापूर : राष्ट्रवादी कॉंग्रेस पक्षाच्या माजी खासदार श्रीमती.निवेदिता माने यांनी राष्ट्रवादी पक्षांच्या सदस्यत्वाचा व विविध पदांचा  राजीनामा दिला.तर त्यांचे चिरंजीव .धैर्यशील माने यांनी शिवसेनेत आज जाहीर प्रवेश केला. मुंबईत मातोश्रीवर जावून शिवसेना पक्षप्रमुख उध्दव ठाकरे यांच्या उपस्थितीत भगवा झेंडा हातात घेवून शिवसेनेत प्रवेश केला .

प्रा.संजय मंडलिक यांच्यासारखाच माने गटाचा निर्णय.. सदाशिवराव मंडलिक यांनी काँग्रेस सहयोगी सदस्यत्वाचा राजीनामा दिला होता.तर प्रा.संजय मंडलिक यांनी शिवसेनेत प्रवेश केला होता हार्दिक तसंच माने वहिनी राष्ट्रवादी काँग्रेस पक्षाच्या सदस्य सदस्यत्वाचा राजीनामा दिला आहे.तर धैर्यशील यांनी शिवसेनेत प्रवेश केला आहे.

यावेळी आमदार मा.राजेश क्षीरसागर, आमदार डॉ.सुजित मिणचेकर, आमदार मा.सत्यजित पाटील (सरुडकर),आमदार मा.उल्हास पाटील आदी. उपस्थित होते.

खासदार निवेदिता माने यांनी आपला राजीनामा देखिल आज राष्ट्रवादी पक्षाचे अध्यक्ष शरद पवार यांच्याकडे सादर केला आहे. त्यात त्यांनी मी आपल्या सदस्यत्व पदाचा तसेच पक्षाअंतर्गत असणाऱ्या सर्व पदांचा राजीनामा देत असल्याचे म्हटले आहे.