कोरोना रुग्णांची संख्या २ हजारांवर

कोल्हापूर जिल्ह्यातील कोरोना रुग्णांची संख्या पुन्हा वाढली असून गेल्या २४ तासात २०६३ नव्या कोरोना रुग्णांची भर पडली आहे. तर ३६ जणांचा मृत्यू झाला आहे. १०३० जणांनी कोरोनावर मात केली आहे.

जिल्ह्यात सर्व प्रकारच्या १९ हजार ३४८ चाचण्या करण्यात आल्या असून त्यापैकी २०६३ नागरिकांचे अहवाल पॉझिटिव्ह आले आहेत. त्यामुळे या एका दिवसाचा पॉझिटिव्हिटी रेट १०.६६ झाला आहे.

कोल्हापूर शहरात पावणे सहाशे नागरिक, करवीर तालुक्यात ३८०, आणि हातकणंगले तालुक्यात २२१ जणांना कोरोनाची लागण झाली आहे. जसजशा चाचण्या वाढतील तसतशी रुग्णांची संख्या वाढत असल्याचे चित्र पहावयास मिळत आहे.

करवीर तालुक्यातील ११ जणांचा मृत्यू झाला असून कोल्हापूर आणि हातकणंगले तालुक्यातील प्रत्येकी सात जणांचा मृत्यू झाला आहे. सध्या १३ हजार ३४९ सक्रिय रुग्ण असून १०३० जणांनी कोरोनावर मात केली आहे.

चौकट

तालुकावार मृतांची संख्या

करवीर ११

हणमंतवाडी, खेबवडे, पिरवाडी, महे, उचगाव, पाचगाव, कोथळी, वाशी, कळंबा २, गणेशवाडी

कोल्हापूर ०७

जागृतीनगर, ताराबाई पार्क ३, कावळा नाका, फुलेवाडी, नागाळा पार्क

हातकणंगले ०७

वडगाव, रूकडी २, तळसंदे, पुलाची शिरोली, मोरेवाडी, शिंगणापूर

पन्हाळा ०३

कुशिरे, कोतोली, जाखले

भुदरगड ०२

कलनाकवाडी, गारगोटी

इचलकरंजी ०२

कागल ०१

सुळकुड

शिरोळ ०१

जयसिंगपूर

गगनबावडा ०१

पडवळवाडी

इतर जिल्हे ०१

नवे खेडे