जुळेवाडीत ट्रक पलटी होऊन एक ठार

मलकापूर : कोल्हापूर-रत्नागिरी राष्ट्रीय महामार्गावर शाहूवाडी तालुक्यातील जुळेवाडी खिंडीच्या वळणावर आयशर ट्रक पलटी होऊन दीपक बाबासाहेब जाधव (वय ४२, रा. जवाहरनगर, सरनाईक कॉलनी, कोल्हापूर) हे जागीच ठार झाले. याची नोंद शाहूवाडी पोलिसात झाली आहे.

पोलिसातून मिळालेली माहिती अशी की, कोल्हापूर-रत्नागिरी महामार्गावरून दीपक जाधव हे ट्रक क्रमांक (एमएच ०९ सीए ०३४०) घेऊन रत्नागिरी येथून कोल्हापूरकडे जात होते. ट्रक जुळेवाडी खिंडीच्या वळणावर आल्यावर पंचवीस फूट ओढ्यात पलटी झाला. यामध्ये ट्रकचालक दीपक जाधव जागीच ठार झाले, अशी फिर्याद बाबासाहेब शामराव पवार (रा. केर्ली) यांनी शाहूवाडी पोलिसात दिली आहे. अधिक तपास पोलीस निरीक्षक विजय पाटील करीत आहेत.